Filipiyan 1:26 - Di Jamiekan Nyuu Testiment

²⁶ So wen mi kom bak kom luk fi unu agen, unu wi kyan priez Krais Jiizas nof muor, siek-a wa im yuuz mi fi du fi unu.

Filipiyan 1:26 ပူးပေါင်းရင်းမြစ်များ

Jan 16:22

A sed wie so it go wid unu: Unu iina pien nou, bot mi gweehn si unu agen, an unu a-go glad iina unu aat, an nobadi kyaahn go mek unu no api agen.

Jan 16:24

Aal nou unu no aks fi notn kaa unu a mi falara. Aks an unu wi get we unu aks fa, so dat unu kyan riili riili api.

2 Korintiyan 1:14

wan die unu wi andastan evriting. Mi uop se unu wi andastan so dat pan di die wen Jiizas kom bak, unu wi kyan buos bout ou unu nuo wi siem laik ou wi kyan buos bout ou wi nuo unu.

2 Korintiyan 5:12

Wi naa tel unu dem sopm ya fi mek wiself luk gud, wi a tel unu so dat unu wi fiil gud bout wi an kyan buos bout wi tu di wan dem we no bizniz bout wa iina piipl aat, bot onggl bizniz wid wa dem kyan si.

2 Korintiyan 7:14

Mi buos bout unu tu im an unu neva kaaz mi fi shiem. Kaaz jos laik ou evriting wi tiich unu a chuu, a siem so im kom fi si se evriting we mi did se bout unu a chuu tu.

2 Korintiyan 7:4

Mi chos unu so mi nuo se mi kyan taak tu unu chriet an unu naa go tek it no wie. Mi proud a unu so til. Wen mi tingk bout unu, it push mi fi gwaan du di wok we mi a du. Iivn wen nof chobl a lik mi, unu mek mi api. Unu mek mi api so til mi glad-bag bos.

2 Korintiyan 7:6

Bot Gad we mek piipl api wen dem sad an a wori, mek wi api an push wi fi gwaan wok wen im sen Taitos tu wi.

Gyalieshan 6:4

Evribadi mos luk iina demself an si ef wa dem a du rait. Unu no fi luk pan nobadi fi si ef unu rait, unu mos onggl luk pan unuself. An den ef wa unu a du rait, unu kyan api wid unuself

Filipiyan 3:1

Mi breda an sista, dem ya a di laas sitn dem we mi av fi se. Mi prie se Krais Jiizas wi mek unu wel api. A no notn fi mi rait tu unu bout di siem sitn dem uova an uova agen. Matarafak, dem wi elp kip unu sief tu.

Filipiyan 3:3

Bot a wi a di piipl we riili get sorkomsaiz — no dem. Wi a di wan we worship Gad iina di Spirit, priez Krais Jiizas, an no buos aaf bout uu wi bi.

Filipiyan 4:10

Mi riili api an mi priez di Laad se unu memba mi agen. Mi nuo se unu aalwiez memba mi, bot unu neva av no chaans fi du we unu did riili waahn fi du fi mi.

Filipiyan 4:4

Unu fi eva api, kaaz unu an di Laad a wan! Mi a se it agen, unu fi api!