Filipiyan 1:25 - Di Jamiekan Nyuu Testiment

²⁵ An mi nuo fi shuor se mi a-go tan ya wid unu an gwaan elp unu so dat unu wi chos iina Gad muor an muor, an so dat unu wi muor api bout wa unu biliiv.

Filipiyan 1:25 ပူးပေါင်းရင်းမြစ်များ

Luuk 22:32

Bot mi prie fi yu, Saiman, so yu no tap biliiv. An wen yu chos iina mi muo agen, elp yu breda dem fi chos iina mi tu.”

Aks 11:23

Wen im riich an si ou Gad did gud tu dem iivn duo dem neva dizorv it, im did wel api an elp push aal a dem fi gwaan chos iina di Laad wid aal a dem aat.

Aks 14:22

a elp di piipl dem we biliiv iina Jiizas fi get chrang iina wa dem biliiv. Dem tel dem fi eng aan pan di chuut we dem biliiv bout Jiizas. Dem tel dem se, “Wi afi go chuu nof sofarieshan fi get iina Gad kindom.”

Aks 20:25

“An aal a unu we mi did go roun an priich tu bout Gad kindom, mi nuo se unu naa go si mi fies agen.

Ruoman 15:13

Mi prie se Gad, Gad we kaaz piipl fi luk fa an nuo fi shuor se dem wi get wa im pramis, mi prie se im wi gi unu piis iina unu aat an mek unu aat api, api kyaahn don kaaz unu biliiv iina im. Mi prie se im du dat, so dat di Uoli Spirit wi kaaz unu muor an muor fi luk fi get di sitn dem we Gad pramis an nuo fi shuor se yu wi get dem.

Ruoman 15:18

Mi wudn mad fi taak bout notn bot di wok we Krais Jiizas yuuz mi fi du — di wok we kaaz di piipl we a no Juu fi staat du aal a wa Gad se dem fi du. Dem staat fala Gad siek-a di sitn dem we mi se an du,

Ruoman 15:29

an mi nuo se wen mi kom de, Krais Jiizas a-go bles unu nof nof.

Ruoman 5:2

Aal a di gud sitn dem we wi a get fram Gad an we wi no dizorv, wi a get dem siek-a wa Jiizas Krais did du an kaaz wi biliiv. An wi wel api kaaz wi nuo fi shuor se Gad a mek wi muor an muor laik im.

2 Korintiyan 1:24

Wi a no som baas we a chrai fi ruul uova unu an tel unu wa fi biliiv. Wi a wok wid unu fi mek unu api kaaz unu chrang iina wa unu biliiv.

Filipiyan 1:24

Bot unu niid mi fi elp unu. So, it wuda beta fi mi tan iina da badi ya.

Filipiyan 2:24

Bot mi chos di Laad se dem suun frii mi, so mi kyan kom luk fi unu tu.

Failiiman 1:22

Wan neda ting, get wan ruum redi fi mi, kaaz mi a uop se Gad wi ansa unu prieya an sen mi bak tu unu.

1 Piita 1:8

Unu neva si Jiizas yet, bot unu lov im siem wie; an iivn duo unu kyaahn si im nou wid unu yai dem, unu stil biliiv an chos iina im. An no wod no de we kyan mek piipl riili nuo ou glad an api unu bi!