Filipiyan 1:23 - Di Jamiekan Nyuu Testiment

²³ Mi no nuo wich wan fi pik. It komiin laik eniwe mi ton maka juk mi. Mi wuda waahn fi ded an go liv wid Krais Jiizas dan tan ya, kaaz dat wuda uol iip beta fi mi.

Filipiyan 1:23 ပူးပေါင်းရင်းမြစ်များ

Luuk 12:50

Bot mi afi go chuu som siiros sofarieshan, an mi aat evi til it don!

Luuk 23:43

Jiizas se tu im se, “Mi a tel yu di chuut, tide yu a-go de wich paat mi de iina Paradais.”

Luuk 8:38

Wen Jiizas did a lef, di man we im ron di diiman dem outa did a beg fi go wid im, bot Jiizas sen im we, an se,

Jan 12:26

Enibadi we waahn sorv mi afi fala mi. Eniwe mi de, dem a-go de de tu, an mi Faada a-go big dem op.

Jan 13:1

Nou a did jos bifuo di Paasuova Alidie, an Jiizas did nuo se di taim wen im wuda lef di worl an go we tu im Faada did kom. Im did lov dem we did a fi im iina di worl, an da taim ya im shuo dem ou im did riili riili lov dem.

Jan 14:3

An afta mi go we go fiks it op, mi gweehn kom bak kom tek unu kyari go we wid mi, so dat unu kyan de wid mi eniwe mi de.

Jan 17:24

“Faada, mi waahn di piipl dem we yu gi mi fi de eniwe mi de, so dat dem kyan si di uol iip a rispek we yu gi mi, kaa yu lov mi fram bifuo di worl did mek.

Aks 7:59

Wen dem did a stuon im, Stiivn prie an se, “Laad Jiizas, mi put mi spirit iina yu an.”

2 Korintiyan 5:8

So laik mi did a se, wi no fried an wi no gi op, an wi waahn fi get wi nyuu badi an go liv wid di Laad muor dan wi waahn fi kip da badi ya.

2 Korintiyan 6:12

Wi naa uol bak wi lov fi unu bot unu a uol bak fi unu lov fi wi.

Filipiyan 1:24

Bot unu niid mi fi elp unu. So, it wuda beta fi mi tan iina da badi ya.

1 Tesaluoniyan 2:1

Breda an sista, unu nuo fi unuself se wen wi did kom tu unu, nobadi kudn se wi kom fi notn.

1 Tesaluoniyan 2:13

An siek-a dis wi gi Gad tangks aal di wail. Kaaz wen unu tek iin Gad wod we unu did ier fram wi, unu neehn tek it laik a wod we kom fram man, bot unu tek it fi wa it bi fi chuu — Gad wod, we a wok iina aal a unu we biliiv.

1 Tesaluoniyan 4:17

Den wi we stil a liv, an we de pan ort siem wie, wi an dem a-go get tek op iina di kloud dem fi miit di Laad iina di ier an a so wi a-go en op de wich paat di Laad de fi eva.

2 Timoti 4:6

Kaaz jos laik wen dem puor out wain wen dem don bon sakrifais, a siem so mi laif an di wok we mi a du fi Gad suun don.

Revilieshan 14:13

Den mi ier wan vais fram evn se tu mi se, “Rait dong dis: fram nou aan, di piipl dem we ded an dem an di Laad a wan, a dem bles.” Di Spirit se, “Yes, dem aad wok don, an dem a res nou, an aal a di sitn dem wa dem did du wi taak fi dem.”