Filipiyan 1:18 - Di Jamiekan Nyuu Testiment

¹⁸ Bot wa dat tu mi? Di onggl ting we riili mata tu mi a se di Gud Nyuuz bout Krais Jiizas a priich weda dem a du it fi di rait ar fi di rang riizn. An kaaz it a priich, mi api, an mi a-go gwaan mek miself api.

Filipiyan 1:18 ပူးပေါင်းရင်းမြစ်များ

Matyu 23:13

“Bot yu si aal dem Laa tiicha ya an di Farisii piipl dem, chobl fu'unu! Uol ipokrit! Unu shot Gad kindom iina piipl fies! Unu no go iin de, an unu naa lou piipl we a chrai fi go iin de, fi go iin.

Maak 12:40

An dem chrik op di uman dem uufa ozban ded an tek we dem ous an lan, wen dem don dem prie lang prieya fi mek demself luk gud. Dem el a-go at.”

Luuk 9:45

Bot Jiizas falara dem neva get we im se an dem di fried fi aks im wa im riili a taak bout. Gad did aid wa it miin so dem kudn andastan it.

Luuk 9:50

Jiizas se tu im se, “No tap im, kaaz uu naa fait gens yu de pan yu said.”

Ruoman 3:9

So wa? Unu tingk se wi we a Juu beta aaf dan di piipl dem we a no Juu? Nuo sa! Kaaz mi don shuo unu aredi se evribadi, weda dem a Juu ar dem a no Juu, sin kanchuol dem laif — evribadi a sina.

Ruoman 6:15

Di Laa kyaahn siev wi, so wi no afi fala it. Wi get siev kaaz Gad shuo wi lov iivn duo wi neva dizorv it. So den wa unu tingk dat miin? Unu tingk it miin se wi kyan gwaan liv iina sin? Nuo sa! Notn kyaahn go so!

1 Korintiyan 10:19

Wa unu tingk mi a chrai fi se? Unu tingk se mi a se dat di fuud we dem bon gi sakrifais tu di faalz gad dem wot notn? Ar se di faalz gad dem we dem a gi di sakrifais tu a riil sopm?

1 Korintiyan 14:15

So wa mi fi du den? Wa mi fi du a mek mi spirit prie bot prie wid mi ed tu an tingk bout wa mi a se. An wen mi a sing priez tu Gad, mi wi sing wid mi spirit an sing wid mi main tu an tingk bout wa mi a sing se.

1 Korintiyan 15:11

So it no mata ef a mi ar a dem did priich. Aal a wi priich di siem sitn an aal a unu biliiv di siem sitn.

Filipiyan 1:19

Kaaz Jiizas Krais Spirit a elp mi, an kaaz unu a prie fi mi, mi nuo se aal a di sitn dem we apm tu mi a-go wok out so dat mi get frii.