Filipiyan 1:17 - Di Jamiekan Nyuu Testiment

¹⁷ Di ada wan dem priich, bot dem no riili miin we dem a se, dem a du it fi di rang riizn. Dem a du it kaaz dem waahn fi mek mi av muo chobl fi diil wid iina prizn ya.

Filipiyan 1:17 ပူးပေါင်းရင်းမြစ်များ

Luuk 21:14

No fret bout ou unu a-go ansa.

Aks 22:1

“Aal a unu we uolda dan mi an aal a unu we a di siem iej laik mi, lisn tu wa mi av fi se tu unu.”

Aks 26:1

Den Agripa se tu Paal se, “Yu kyan taak fi yuself nou.” So Paal riez im an an staat taak op. Im se,

Aks 26:24

Wail Paal did a taak, Festos kaal out pan tap a im vais, “Paal, yu mad. Yu ed a tek yu! Yu lorn tu moch an yu ed a tek yu nou!”

Ruoman 2:8

Bot yu av som ada piipl we onggl bizniz bout demself — dem no du notn fi elp ada piipl. Dem mek op dem main se dem naa du wa rait — dem onggl a-go du we Gad se rang. Dem piipl de Gad a-go shuo dem se im beks wid dem, im a-go ponish dem aad aad.

Filipiyan 1:18

Bot wa dat tu mi? Di onggl ting we riili mata tu mi a se di Gud Nyuuz bout Krais Jiizas a priich weda dem a du it fi di rait ar fi di rang riizn. An kaaz it a priich, mi api, an mi a-go gwaan mek miself api.

Filipiyan 1:7

Mi nuo se it aarait fi mi tingk da wie ya bout aal a unu, kaaz mi lov unu an aal a unu elp mi wen mi did a tan op an a difen di Gud Nyuuz, weda mi did lak op iina prizn ar mi did frii. Aal a unu tek paat iina di gud sitn we Gad gi mi fi du, iivn duo wi no dizorv it.

Filipiyan 2:3

So no du notn jos so unu kyan get wa unu waahn. An no shuo aaf fi chrai mek piipl tingk unu impuotant ar beta dan nobadi. Wa unu fi du a ombl unuself an chriit wan aneda beta dan ou unu wuda chriit unuself.

1 Timoti 2:7

A so mek Gad sen mi fi bi im apasl, so mi kuda priich di chuut. Im sen mi fi tiich aal a di piipl dem we a no Juu an tel dem se Gad wi siev dem ef dem biliiv iina Jiizas. Mi naa lai, mi a tel yu di chuut.

2 Timoti 2:9

A chuu mi a tiich da mesij ya mek mi a sofa so. An a kaaz mi tiich da mesij ya mek dem fling mi iina prizn an chriit mi laik se mi a kriminal. Bot dem kyaahn tap Gad mesij ar lak it op laik ou dem lak mi op iina prizn.

2 Timoti 4:16

Wen mi did go a kuot fi di fos taim fi chrai difen miself nobadi neva kom sopuot mi, di uol a dem lef mi fi fen fi miself. Mi uop Gad no uol it gens dem.