Filipiyan 1:13 - Di Jamiekan Nyuu Testiment

¹³ Matarafak aal a di speshal suoja dem we gyaad di suoja kyamp wich paat mi de an evribadi els ya nuo se mi get lak op iina prizn kaaz mi a priich bout Jiizas Krais.

Filipiyan 1:13 ပူးပေါင်းရင်းမြစ်များ

Aks 26:29

So Paal ansa se, “Mi prie Gad se no onggl yu bot aal uu a lisn mi tide wuda ton jos laik mi, weda iina no taim ar aal ef it tek lang. A onggl wan ting mi no waahn, mi no waahn unu fi chien op laik mi.”

Aks 26:31

an wen dem did a lef dem se tu dem wan aneda se, “Da man ya naa du notn we im shuda get lak op fa, ar we im fi ded fa.”

Aks 28:17

Chrii die afta dat, Paal sen kaal di Juu liida dem iina di ieriya fi miit wid im. Wen dem kom im se tu dem se, “Mi breda, mi neva du notn rang gens wi piipl. Mi neva se notn rang bout di wie wi faada faada dem did liv niida. Bot wi liida dem iina Jeruusilem tek mi ton prizna gi di Ruoman liida dem.

Aks 28:20

A dat mek mi aks unu fi miit wid mi. Matarafak, dem tek mi ton prizna an put mi iina dem chien ya siek-a di wan we di Izrel piipl dem a wiet fa an a luk fi kom.”

Aks 28:30

Fi tuu uol-a ier Paal liv iina im uona ous we im rent. Im tek iin evribadi we kom tu im

Ifiijan 3:1

Krais Jiizas mek mi, Paal, im prizna, so mi kuda priich tu unu we a no Juu.

Ifiijan 4:1

So den, mi we de a prizn kaaz mi a sorv di Laad, a beg unu — unu we Gad pik fi bi im piipl; mi a beg unu fi liv ou Gad waahn unu fi liv.

Ifiijan 6:20

kaaz a dat Krais Jiizas pik mi an mek mi wan a im apasl fa. An a dat dem lak mi op iina prizn fa. So prie se mi wi priich di Gud Nyuuz di wie ou mi fi priich it an no fried a notn.

Filipiyan 1:30

Di siem sitn dem we unu did si mi go chuu an ier se mi stil a-go chuu, a di siem sitn unu a diil wid nou.

Filipiyan 1:7

Mi nuo se it aarait fi mi tingk da wie ya bout aal a unu, kaaz mi lov unu an aal a unu elp mi wen mi did a tan op an a difen di Gud Nyuuz, weda mi did lak op iina prizn ar mi did frii. Aal a unu tek paat iina di gud sitn we Gad gi mi fi du, iivn duo wi no dizorv it.

Filipiyan 4:22

Aal a Gad piipl sen oudi fi aal a unu, speshali di wan dem we kom fram Siiza yaad.

2 Timoti 2:9

A chuu mi a tiich da mesij ya mek mi a sofa so. An a kaaz mi tiich da mesij ya mek dem fling mi iina prizn an chriit mi laik se mi a kriminal. Bot dem kyaahn tap Gad mesij ar lak it op laik ou dem lak mi op iina prizn.