Filipiyan 1:11 - Di Jamiekan Nyuu Testiment

¹¹ an dat evriting we unu du wi gud fi chuu — a onggl Krais Jiizas kyan mek unu du dem sitn de. Mi a prie fi aal a dat so dat Faada Gad wi get nof rispek an priez.

Filipiyan 1:11 ပူးပေါင်းရင်းမြစ်များ

Matyu 5:16

A siem so unu fi shain unu lait mek evribadi si, da wie de dem kyan si di gud sitn we unu du an big op unu Faada we de a evn.

Jan 15:16

“A no unu pik mi, a mi pik unu an put unu wan said fi bier nof fruut — di kain-a fruut we a-go laas fi eva. Wen dat apm, mi Faada gweehn gu'unu eniting unu aks im fa kaa unu a mi falara.

Jan 15:2

Im brok aaf aafa mi aal a di lim dem we no bier fruut. An im chrim op di lim dem we bier fruut so dat dem kyan bier muo.

Jan 15:8

Wen unu bier nof fruut an shuo se unu a fi mi falara, da wie de mi Faada get nof rispek.

Ruoman 15:28

So den afta mi don aal a dis an mek shuor di moni riich dem sief, mi wi ed out fi Spien bot mi a-go kom fi unu wie,

Ruoman 6:22

Bot nou, unu frii. Sin no kanchuol unu no muor. Unu a Gad sliev, unu bilang tu im iina evri wie an im kaaz unu fi liv rait. An kaaz unu a liv rait Gad wi mek unu liv fi eva an eva. Dat a we yu get wen yu mek Gad ruul uova yu.

1 Korintiyan 10:31

Wel, di chuut a weda yu a iit fuud ar jringk jringks — evriting we yu du, yu fi du it iina wan wie we wi kaaz piipl fi priez Gad.

2 Korintiyan 9:10

Nou, Gad, we gi di faama siid fi plaant an we gi piipl bred fi iit, im wi gi unu aal di siid we unu wuda niid fi plaant an im wi mek dem gruo tu. Im wi mek shuor se unu aalwiez av muor dan unu niid, so dat unu kyan aalwiez gi tu ada piipl.

Ifiijan 1:12

Im pik wi, so dat wi, we a did di fos wan dem fi chos iina Krais Jiizas, wuda kaaz piipl fi priez Gad, wen dem si ou im big an powaful.

Ifiijan 1:14

Di Uoli Spirit a onggl paat a aal a wa Gad pramis fi gi wi. Wi wi get di ada sitn dem wen im don frii aal a im piipl dem. Im du it da wie de so dat piipl wuda priez im wen dem si ou im big an powaful iina evri wie.

Ifiijan 2:10

A Gad mek wi tan ou wi tan. Gad mek wi an Jiizas wan, so wi kyan du di gud sitn dem we im did plan fi wi du fram wie bak wen.

Ifiijan 5:9

(kaaz di sitn dem we kom fram di lait, a onggl wa gud, rait an chuu).

Filipiyan 4:17

A no muor moni mi a luk fram unu mek mi a se dem sitn ya, bot mi waahn unu du muor an muor gud sitn so Gad wi pie unu bak wid aal braata.

Koloshan 1:10

An a so kom unu wi kyan liv laik Gad piipl an eva du di sitn dem we wi mek im api: Unu wi du aal kain-a gud sitn, an get fi riili nuo Gad muo an muo tu.

Koloshan 1:6

Piipl did bring di Gud Nyuuz kom gi unu. An dem kyari it aal uova di worl. It a bier fruut an a gruo jos laik ou it du mongks unu fram di fos die unu ier it an andastan umoch Gad riili lov wi fi chuu, an ou im chriit wi gud iivn duo wi no dizorv it.

2 Tesaluoniyan 1:12

Da wie de, di Laad Jiizas Krais wi get priez an unu kyan get big op tu. Dis kyan apm kaaz fi wi Gad an wi Laad Jiizas Krais lov wi iivn duo wi no dizorv it.

Taitos 3:14

Di piipl we biliiv iina Jiizas an we iina Kriit mos lorn fi wok aad an du gud sitn, so dat dem wi aalwiez av inof, so dem kyan gi piipl we niid it.

Iibruu 12:11

Nobadi neva eva tingk se it nais wen dem a get ponish di taim wen dem a get ponish — nuo sa, it at dem taim de man. Bot lieta dong it elp wi. Kaaz siek-a dat, wi lorn fi waak chriet an du di sitn dem we rait, plos it mek wi liv iina piis wid piipl.

1 Piita 2:12

Unu mos liv gud an liv rait mongks di piipl dem we no biliiv iina Jiizas, so iivn duo rait ya nou dem a se aal kain-a bad sitn bout unu, an a se a bier wikidnis unu du, dem wi si se a gud sitn unu a du an priez Gad wen im kom baka ort kom big op uu fi get big op an ponish uu fi get ponish.

1 Piita 2:5

So unu fi kom tu di Laad laik stuon we a liv tu. An mek Gad Spirit yuuz unu fi bil op Gad ous. Iina da ous de unu a-go bi wan gruup a priis fi Gad — an fi Gad wan. An unu a-go bon sakrifais we Gad Spirit se unu fi bon, an im wi tek da sakrifais de siek-a wa Jiizas Krais du.

1 Piita 2:9

Bot unu a wan set a piipl we Gad pik. Unu a di king priis — an Gad a di king. Unu a wan speshal piipl we Gad tek fi kom ton fi im uona piipl dem. Im pik unu so unu kyan tel ada piipl ou big im bi an ou gud im bi. Kaaz a im sed wan tek unu outa daaknis an kom put unu iina im brait brait lait.

1 Piita 4:14

Ef piipl shiem unu, an se aal kain-a bad sitn tu unu kaa unu a fala Krais Jiizas — a bles unu bles. Kaaz a di powaful Spirit — Gad Spirit, kom tan wich paat unu de.