Failiiman 1:19 - Di Jamiekan Nyuu Testiment

¹⁹ Mi, Paal we a rait da leta ya miself, wi pie yu bak. An mi nuo se mi no afi memba yu se yu uo mi, kaaz a mi elp yu fi biliiv iina Krais.

Failiiman 1:19 ပူးပေါင်းရင်းမြစ်များ

Ruoman 16:22

An mi, Torshiiyos we bilang tu Gad an we a rait dong da leta ya fi breda Paal, a sen oudi fi unu tu.

1 Korintiyan 4:15

Kaaz iivn duo unu mait-a av ten touzn tiicha fi elp unu liv ou Gad waahn unu fi liv, a no aal a dem a-go komiin laik wan faada tu unu. Bot mi a unu faada kaaz a mi fos bring di Gud Nyuuz kom gi unu an elp unu fi biliiv.

2 Korintiyan 10:1

Som piipl se mi saaf wen mi de de mongks unu bot gwaan laik mi rof wen mi de faar. Bot mi, Paal, mi a beg unu, iina Jiizas niem, Jiizas we kain an jengkl,

2 Korintiyan 3:2

Wi no niid no leta, wi no niid nobadi fi rait an tel piipl se wi a du gud, kaaz wa dem leta de wuda du unu a du aredi. Piipl wi luk pan ou unu a liv an nuo se wi a du gud wok.

2 Korintiyan 9:4

Mi waahn fi mek shuor se unu redi kaaz ef som piipl fram Masiduoniya kom wid mi, an wen wi riich de unu no redi, a shiem mi wuda shiem. (Unu wuda muor dan shiem.) Wi wuda shiem kaaz wi did a buos bout ou unu redi.

Gyalieshan 5:2

Unu lisn mi gud! Mi, Paal, a tel unu se ef unu go mek dem sorkomsaiz unu, notn we Krais Jiizas du a-go wot notn tu unu at aal.

Gyalieshan 6:11

Unu si ou di leta dem big wen mi rait unu wid mi uona an!

1 Timoti 1:2

Timoti, yu komiin laik se yu a riili fi mi pikni kaaz di tuu a wi biliiv an chos iina di siem Gad. Mi prie se wi faada Gad an wi Laad Jiizas Krais wi gud an kain tu yu, shuo yu lov iivn duo wi no dizorv it an gi yu piis iina yu aat.

Taitos 1:4

Taitos chuu mi an yu biliiv iina Jiizas, it komiin laik se yu a fi mi pikni. Mi prie se Faada Gad an wi Laad Jiizas wi shuo yu lov iivn duo wi no dizorv it. Mi prie se dem wi gi yu piis.

Failiiman 1:18

Ef im did du notn rang tu yu ar im uo yu, mi wi tek kier a it.