Failiiman 1:17 - Di Jamiekan Nyuu Testiment

¹⁷ So ef yu tingk se mi an yu a fren sins mi an yu wok tugeda fi di Laad, yu wi tek im bak iina yu ous an welkom im laik ou yu wuda welkom mi.

Failiiman 1:17 ပူးပေါင်းရင်းမြစ်များ

Matyu 10:40

“Enibadi we welkom unu, welkom mi. An enibadi we welkom mi, welkom di wan we sen mi kom.

Matyu 18:5

“An enibadi we welkom pikni laik da wan ya, kaa di pikni chos iina mi, dem welkom mi tu.

Matyu 25:40

“An di king a-go ansa bak, ‘Mi tel unu dis, an a chuu mi a taak, di taim dem wen unu weehn du dem sitn de fi wan a mi breda an sista dem we piipl se no wot notn, a laik se a mi unu did dwi'it fa.’

Aks 16:15

Afta shi an di piipl we liv a ar ous get baptaiz, shi beg wi fi kom a ar yaad. Shi se, “Ef unu tek mi fi wan a di Laad piipl we riili biliiv iina im, kom tan a mi yaad.” Shi win wi uova, so wi go wid ar.

2 Korintiyan 8:23

Nou yu si Taitos, im a mi fren we wok wid mi fi elp unu. An di tuu breda dem, a di choch dem pik an sen dem, an di wok we dem du wi kaaz piipl fi priez Krais Jiizas.

Ifiijan 3:6

Di siikrit mesij a dat wen piipl we a no Juu biliiv iina di Gud Nyuuz, dem ton Gad pikni an tek paat iina aal a di gud sitn dem Gad gi di Juu piipl dem. Pan tap a dat, aal a dem jain op tugeda wid di Izrel piipl dem we bilang tu Gad, an siek-a wa Jiizas du, dem gweehn get aal a wa Gad pramis fi gi im piipl dem.

Filipiyan 1:7

Mi nuo se it aarait fi mi tingk da wie ya bout aal a unu, kaaz mi lov unu an aal a unu elp mi wen mi did a tan op an a difen di Gud Nyuuz, weda mi did lak op iina prizn ar mi did frii. Aal a unu tek paat iina di gud sitn we Gad gi mi fi du, iivn duo wi no dizorv it.

1 Timoti 6:2

Ef enibadi av wan maasta we biliiv iina Jiizas tu, dem no fi rispek dem no les jos chuu di tuu a dem a breda. Bot sins dem an dem maasta ya a breda, dem fi rispek dem iivn muor an sorv dem beta. Kaaz it miin se dem a elp fi tek kier a Gad piipl we im lov. A dem sitn ya mi a beg yu fi tiich an fi push di piipl dem fi du.

Failiiman 1:10

Mi a beg fi mi pikni Oniisimos. Wen mi iina prizn, mi tek im fi mi pikni kaaz a mi elp im fi biliiv iina Jiizas.

Failiiman 1:12

Oniisimos a mi aat, an mi a sen im bak tu yu.

Failiiman 1:18

Ef im did du notn rang tu yu ar im uo yu, mi wi tek kier a it.

Iibruu 3:1

So mi breda an sista we bilang tu Gad, an we im kaal jos laik ou im kaal mi, unu fi kip unu main pan Jiizas. Im a di mesinja we Gad sen wi, an di liida fi di priis dem we go tu Gad fi wi, siek-a wa wi se wi biliiv iina.

Iibruu 3:14

Kaaz wi an Krais Jiizas, wi staat wok tugeda ef wi gwaan uol aan an chos iina im no mata wa, laik ou wi yuus tu du wen wi did fos staat biliiv iina im.

Jiemz 2:5

Mi breda an sista, ier wa mi a se. No Gad pik di puo piipl iina di worl fi bles dem kaaz dem biliiv iina im? Im pik dem fi tek paat iina im kindom wa im pramis fi gi aal uu lov im.

1 Piita 5:1

Mi a taak tu di elda dem ya nou. Mi a elda laik unu, mi a wan we si fi miself ou Krais Jiizas did sofa tu, an mi tel piipl bout dis, an mi a-go daans an praans wid im wen im kom bak wid aal a di powa we evribadi a-go si. So mi a beg unu du,

1 Jan 1:3

Wa wi did si an ier a dat wi a tel unu tu. Wi a tel unu so dat unu kyan muuv kluos wid wi, an wi a muuv kluos wid di Faada an wid im Bwai Pikni Jiizas Krais.