Aks 9:6 - Di Jamiekan Nyuu Testiment

⁶ Git op an go iina di toun. Sumadi iin de wi tel yu wa yu mos du.”

Aks 9:6 ပူးပေါင်းရင်းမြစ်များ

Matyu 19:30

Bot nof a uu de a front nou a-go de a bak, an uu de a bak a-go de a front.”

Luuk 3:10

Di kroud aks Jan, “So wa wi fi du den?”

Aks 10:22

Di man dem ansa im se, “A Kaaniiliyos, wan ed man fi onjrid suoja sen wi. Aal a di Juu dem tingk im a gud sumadi an dem shuo im nof rispek. Wan a Gad ienjel tel im fi sen fi yu so im kyan ier wa yu av fi se.”

Aks 10:32

Nou sen som man go a Japa fi wan man niem Saiman, we dem kaal Piita. Im a stie a Saiman yaad, di wan we mek leda an we liv a di sii-said.’

Aks 10:6

Im a stie a Saiman ous, di wan we mek leda an we liv a di sii-said.”

Aks 2:37

Wen di piipl dem ier di sitn dem we Piita se, a laik sitn tab dem iina dem aat. So dem aks Piita an di ada apasl dem se, “Wi breda, wa wi fi du?”

Aks 22:10

“So mi aks, ‘Wa mi fi du Laad?’” “Di Laad se tu mi se, ‘Git op an go a Damaskos. Wen yu riich de yu wi ier wa mi pik yu fi du.’

Aks 26:16

Bot git op tan op kaaz mi pik yu fi shuo miself tu yu. Mi du dat fi mek yu wan a mi sorvant fi go tel piipl bout di sitn dem we yu si an we mi a-go shuo yu.

Aks 9:5

Saal aks, “A uu yu, Sa?” Jiizas ansa, “Mi a Jiizas, di wan we yu a mek sofa.

Ruoman 10:20

Den Aizaiya tel dem plien plien we Gad did se, im tel dem se Gad se, “Di piipl we neva did a luk fi mi, a dem fain mi; di piipl we neva did a aks fi mi, a dem mi mek nuo mi.”

Ruoman 10:3

Dem neva waahn fi andastan di wie Gad mek tingz rait bitwiin im an piipl, so dem go chrai fain dem uona wie fi mek tingz rait wid Gad; dem neva tek Gad wie fi mek tingz rait bitwiin im an dem.

Ruoman 5:20

Nou Gad sen di Laa so dat piipl wuda nuo se wa dem a du a sin. Bot wen piipl staat fi sin muor an muor, iivn duo wi neva dizorv it, Gad shuo dem lov muor an muor.

Ruoman 7:9

Wen mi neva nuo bout di Laa, mi did alaiv. Bot wen mi kom fi nuo wa di Laa se, sin riez op iina mi an mek mi wel waahn fi du di sitn dem mi no fi du,

Filipiyan 2:12

So mi gud fren, unu si siem laik ou unu aalwiez du we Gad waahn unu fi du, no onggl wen mi de de wid unu bot wos laik ou mi no de de, gwaan du di sitn dem we wi mek piipl si se Gad siev unu an unu av nof rispek fi im iina evriting we unu a du.

Jiemz 4:6

Bot muo dan notn els, Gad gud an kain tu wi. A dat mek Gad wod se, “Gad kaaz buosi piipl plan fi mash op bot im gud an kain tu piipl we ombl demself.”