Aks 9:42 - Di Jamiekan Nyuu Testiment

⁴² Piipl aal uova Japa ier bout wa apm an ton tu di Laad.

Aks 9:42 ပူးပေါင်းရင်းမြစ်များ

Jan 11:4

Wen Jiizas ier bout it, im se, “Nobadi naa go ded siek-a da siknis ya. It gweehn kaaz piipl fi big op Gad. An dem a-go big op di Man we Gad Pik siek-a it tu.”

Jan 11:45

So nou, nof a di Juu dem we did kom luk fi Mieri biliiv iina Jiizas wen dem si we im du.

Jan 12:11

kaa siek-a Jiizas mek im kom bak alaiv nof a di Judiya Juu piipl dem did a-go tu Jiizas an staat chos iina im.

Jan 12:44

Den Jiizas shout out pan tap a im vais an se, “Di sumadi we chos iina mi no chos iina mi wan, im chos iina di wan we sen mi kom ya tu.

Aks 10:5

Nou sen som man go a Japa an tel dem fi bring bak wan man niem Saiman, an we dem kaal Piita tu.

Aks 10:8

Im tel dem evriting we di ienjel tel im an sen dem go a Japa.

Aks 11:13

Im tel wi ou im did si wan ienjel kom tu im iina im ous an tel im fi, ‘Sen som man go a Japa go kaal Saiman Piita.

Aks 11:21

Di Laad Gad did de wid dem an im gi dem powa fi priich an wan uol iip a piipl biliiv an ton tu di Laad.

Aks 11:5

“Mi did de iina di siti dong a Japa a prie an get wan vijan. Iina mi vijan mi si sitn laik wan big big shiit get let dong fram di skai. It did komiin laik piipl did uol di fuo kaana dem an a let it dong tu we mi did de.

Aks 9:35

Evribadi we liv iina Lida an Sheran ton tu di Laad wen dem si wa apm tu im.

Aks 9:36

Nou yu did av wan uman we biliiv iina Jiizas we liv a Japa. Shi did niem Tabita, bot iina Griik shi niem Daakas. Shi did eva a du gud an a elp puo piipl.

Aks 9:38

Lida neva faar fram Japa. So wen di piipl we biliiv iina Jiizas ier se Piita did de a Lida, dem sen tuu man tu im wid wan mesij se “Ori op kum ya kwik kwik!”

Aks 9:43

Piita tan a Japa fi wan gud likl wail wid Saiman, wan man we mek leda.