Aks 9:38 - Di Jamiekan Nyuu Testiment

³⁸ Lida neva faar fram Japa. So wen di piipl we biliiv iina Jiizas ier se Piita did de a Lida, dem sen tuu man tu im wid wan mesij se “Ori op kum ya kwik kwik!”

Aks 9:38 ပူးပေါင်းရင်းမြစ်များ

Aks 9:36

Nou yu did av wan uman we biliiv iina Jiizas we liv a Japa. Shi did niem Tabita, bot iina Griik shi niem Daakas. Shi did eva a du gud an a elp puo piipl.

Aks 11:26

an wen im fain im, im kyari im baka Antiyak wid im. So fi wan uol ier Baanabas an Saal miit op wid di choch piipl an tiich kroud an kroud a piipl. An dong a Antiyak a di fos plies we di biliiva dem get di niem Kristiyan.

Aks 9:32

Wail Piita did a go fram plies tu plies im go a Lida go luk fi Gad piipl.

Aks 9:19

An afta Saal get sopm fi iit, im get bak chrang agen. Saal tan a Damaskos fi kopl die wid di piipl dem we biliiv iina Jiizas.

Aks 9:42

Piipl aal uova Japa ier bout wa apm an ton tu di Laad.

Aks 9:43

Piita tan a Japa fi wan gud likl wail wid Saiman, wan man we mek leda.

Aks 10:5

Nou sen som man go a Japa an tel dem fi bring bak wan man niem Saiman, an we dem kaal Piita tu.

Aks 10:8

Im tel dem evriting we di ienjel tel im an sen dem go a Japa.

Aks 11:5

“Mi did de iina di siti dong a Japa a prie an get wan vijan. Iina mi vijan mi si sitn laik wan big big shiit get let dong fram di skai. It did komiin laik piipl did uol di fuo kaana dem an a let it dong tu we mi did de.

Aks 11:13

Im tel wi ou im did si wan ienjel kom tu im iina im ous an tel im fi, ‘Sen som man go a Japa go kaal Saiman Piita.