Aks 9:34 - Di Jamiekan Nyuu Testiment

³⁴ Piita se tu im se, “Ieniyas, Jiizas Krais mek yu beta! Git op an ruol op yu bed!” Siem taim Ieniyas get op.

Aks 9:34 ပူးပေါင်းရင်းမြစ်များ

Matyu 8:3

Jiizas chrech out im an, toch di man an se, “Mi waahn yu fi get kliin. Gwaan yu beta nou!” An siem taim di man skin get kliin kliin.

Matyu 9:6

Bot fi mek unu nuo, mi a-go shuo unu se di Man we Gad Pik av di rait an di powa fi paadn sin pan ort,” den im ton tu di kripl man an se, “Git op, tek op yu chrecha an gwaan a yu yaad.”

Jan 2:11

Nou, Jiizas wok uol iip a mirikl an da wan ya a did di fos wan outa aal a dem. Im did du it iina Kiena we de a Gyalalii. Da wie de, im shuo ou im big an powaful. An im falara dem biliiv iina im.

Aks 16:18

Die afta die shi kip aan a du di siem ting. Bot Paal get riili riili beks. So im ton roun an se tu di spirit we did iina di gyal se, “Iina Jiizas Krais niem. Kom outa ar!” An di spirit kom out siem taim.

Aks 3:12

Wen Piita si dem, im se tu dem se, “Aal a unu Izrel piipl, wa unu shak so fa? Wa unu tan op a luk pan wi so fa? Unu tingk a chuu wi powaful ar chuu wi gud iina Gad yai mek wi mek da man ya waak?

Aks 3:16

A Jiizas powa mek da kripl man ya get beta. So wa unu si apm tide, onggl apm kaaz wi biliiv iina Jiizas. Unu kyan si fi unuself se a Jiizas powa mek im beta.

Aks 3:6

Den Piita se tu im, “Mi no av no moni at aal kyan gi yu. Bot wa mi av mi a-go gi yu. Iina Jiizas Krais niem, di wan we kom fram Nazaret, git op an waak.”

Aks 4:10

lisn mi, mi waahn aal a unu an evribadi we iina Izrel fi nuo, a Jiizas Krais we kom fram Nazaret mek im beta. Jiizas we unu kil pan di kraas, an we Gad mek kom bak alaiv, a im mek da kripl man ya tan op chrang infronta unu tide.

Aks 9:33

Im fain wan man dong de niem Ieniyas we did kripl fi iet ier an kudn get op outa im bed.

Aks 9:35

Evribadi we liv iina Lida an Sheran ton tu di Laad wen dem si wa apm tu im.