Aks 9:33 - Di Jamiekan Nyuu Testiment

³³ Im fain wan man dong de niem Ieniyas we did kripl fi iet ier an kudn get op outa im bed.

Aks 9:33 ပူးပေါင်းရင်းမြစ်များ

Luuk 13:16

Den dis uman, wan a Iebriyam gyal pikni, we Sietan bain op fi ietiin lang lang ier, so wa, shi no fi get frii pan di Sabat tu?”

Aks 14:8

Iina Lischra yu did av wan kripl man a sidong. Im did baan wid im tuu fut dem kripl so im neva waak fram im baan.

Aks 4:22

Dem did a gi priez kaaz di kripl man we did get beta did uova faati ier uol.

Aks 3:2

A di giet fi Gad ous, di giet we dem kaal Giet Byuutiful, yu did av wan man we did kripl fram im baan. Evridie dem wuda put im a di giet fi beg sopm fram di piipl dem we a go iina di yaad we Gad ous de.

Jan 9:21

Bot wi no nuo ou kom im get fi kyan si nou, an wi no nuo a uu mek im beta. Unu aks im. Im a big man. Im wi taak fi imself.”

Jan 9:1

Nou, wen Jiizas did a waak, im si wan man we did blain fram di die im baan.

Jan 5:5

Nou, yu did av wan sik man we did de de fi toti iet ier.

Maak 9:21

So Jiizas aks di bwai faada, “Ou lang sins im a sofa so?” Im se, “Fram im a likl pikni sa.

Maak 5:25

Wan uman we did a sofa did iina di kroud. Fi twelv ier shi kudn tap bliid.

Matyu 4:24

So piipl staat ier bout im muo an muo aal roun Siriya, an dem kyari aal saat a piipl kom we sik iina dis ya wie ar dat de wie. Dem kyari piipl we pien op an a sofa fram aal saat a kraasiz, an aal uu did a sofa fram sitn we mek dem kech fits dem kyari dem kom tu. Dem kyari piipl we kyaahn waak, piipl we av diiman iina dem, an Jiizas get di uol a dem beta.

Aks 9:32

Wail Piita did a go fram plies tu plies im go a Lida go luk fi Gad piipl.

Aks 9:34

Piita se tu im se, “Ieniyas, Jiizas Krais mek yu beta! Git op an ruol op yu bed!” Siem taim Ieniyas get op.