Aks 9:32 - Di Jamiekan Nyuu Testiment

³² Wail Piita did a go fram plies tu plies im go a Lida go luk fi Gad piipl.

Aks 9:32 ပူးပေါင်းရင်းမြစ်များ

Matyu 27:52

Tuum flai uopm, an uol iip a Gad piipl dem we did ded kom bak alaiv.

Aks 1:8

Bot di Uoli Spirit a-go kom pan unu an ful unu op wid powa an unu wi tel piipl iina Jeruusilem, Judiya, Samieriya an aal uova di worl bout mi.”

Aks 26:10

An a dat mi yuus tu du iina Jeruusilem. Mi neva jos get powa fram di ed priis fi lak op som a di piipl dem we biliiv, bot mi aal vuot gens dem wen dem sen dem fi ded.

Aks 8:14

Wen di apasl dem iina Jeruusilem ier se di piipl iina Samieriya biliiv an staat fala Gad wod, dem sen Piita an Jan tu dem.

Aks 8:25

Afta Piita an Jan don tel di piipl wa dem nuo bout di Laad, an priich di Gud Nyuuz, dem go baka Jeruusilem. Pan di wie dem priich di Gud Nyuuz iina nof Samaritan dischrik.

Aks 9:13

Ananaiyas se, “Bot Laad, nof piipl tel mi bout da man de an di uol iip a wikid sitn dem we im du tu yu piipl dem iina Jeruusilem.

Aks 9:33

Im fain wan man dong de niem Ieniyas we did kripl fi iet ier an kudn get op outa im bed.

Aks 9:41

Im uol ar an an elp ar tan op. Den im kaal aal a Gad piipl, an di uman dem uufa ozban dem did ded tu an shuo dem se Daakas kom bak alaiv.

Ruoman 1:7

So mi a rait da leta ya tu aal a unu iina Ruom we Gad lov an uu im kaal fi bi im piipl. Mi prie se wi Faada Gad an di Laad Jiizas Krais wi shuo unu lov iivn duo wi no dizorv it an gi unu piis iina unu aat.

Ifiijan 1:1

Mi a Paal. Gad pik mi fi bi wan a Jiizas Krais apasl, kaaz a dat im did waahn. Mi a rait da leta ya tu aal a Gad piipl we de iina Efisos an we riili chos iina Jiizas.

Filipiyan 1:1

Da leta ya a kom fram mi, Paal. Timoti de ya wid mi tu. Di tuu a wi a Krais Jiizas sliev. Mi a rait tu aal a unu we liv iina Filipai we chos Krais Jiizas. An mi a rait tu aal a di bishop an di diikan dem tu.