Aks 9:27 - Di Jamiekan Nyuu Testiment

²⁷ Bot Baanabas elp im. Im tek im tu di apasl dem. Im tel dem ou Saal si di Laad Jiizas wen im did a go a Damaskos, ou di Laad taak tu im, an ou im neva fried fi priich tu di piipl iina Damaskos bout Jiizas.

Aks 9:27 ပူးပေါင်းရင်းမြစ်များ

Aks 11:22

Nyuuz bout wa did a apm iina Antiyak riich di piipl dem iina Jeruusilem we biliiv iina di Laad, so di liida dem sen Baanabas go a Antiyak.

Aks 11:25

Den Baanabas lef go a Taasos fi go luk fi Saal,

Aks 12:25

Afta Baanabas an Saal don wa dem did go a Jeruusilem fi du, dem lef an tek Jan Maak wid dem.

Aks 13:2

Dem did a sorv di Laad an a kip we fram fuud wen di Uoli Spirit se tu dem se, “Frii op Baanabas an Saal so dem kyan du di wok we mi did pik dem fi du.”

Aks 15:2

Paal an Baanabas aagyu chrang chrang gens wa dem man de did a tiich, an tan op tu dem an mek dem nuo se dem rang. So di choch pik Paal an Baanabas, an som ada biliiva fi go wid dem a Jeruusilem fi go taak tu di apasl an elda dem bout di mata.

Aks 4:13

Wen dem si ou Piita an Jan tan op chrang fi wa dem biliiv an wen dem lorn se dem a did jos aadineri sumadi we neva go a no skuul go lorn, dem shak. Den dem si se di tuu a dem did nuo Jiizas an did waak wid im fi a gud wail.

Aks 4:29

So Laad, luk pan ou dem a chretn wi! Elp yu sorvant dem fi pred yu mesij an no fried a notn.

Aks 4:36

So Juozif, wan man fram Saipros we elp tek kier a Gad ous, an we di apasl dem kaal Baanabas (Baanabas miin Bwai pikni we push piipl fi gwaan chos iina Gad),

Aks 9:17

So Ananaiyas go a di ous we Saal did de. Im go iina di ous, put im an pan Saal an se, “Breda Saal, di Laad Jiizas, di wan we yu did si wen yu did de pan yu wie a kom ya, im sen mi tu yu. Im sen mi so yu wi kyan si agen an fi mek di Uoli Spirit kom liv iina yu.”

Aks 9:29

Im taak bout Jiizas an riizn wid di Juu dem we taak Griik. Bot dem chrai fi kil im.

1 Korintiyan 15:8

Mi a di laas sumadi fi si im an im mek mi si im iivn duo mi komiin laik sumadi we baan di rang taim.

1 Korintiyan 9:6

Ar a mi an Baanabas a di onggl apasl dem we afi wok so dem kyan av moni fi liv?

Gyalieshan 2:13

Den chuu im du dat im mek ada Juu we biliiv iina Gad staat du di siem ting. Aal Baanabas ton ipokrit tu.

Gyalieshan 2:9

An wen di big impuotant liida dem — Jiemz, Siifas an Jan, si se a Gad gi mi da speshal wok ya fi du, dem shiek fi mi an Baanabas an. Dem shiek wi an fi shuo se wi a wan a dem an dat wi fi gwaan tiich di Gud Nyuuz tu di piipl dem we a no Juu, jos laik ou dem a priich it tu di Juu dem.