Aks 9:26 - Di Jamiekan Nyuu Testiment

²⁶ Wen Saal kech a Jeruusilem, im chrai fi jain op wid di piipl dem we biliiv iina Jiizas, bot aal a dem did fried a im kaaz dem neva biliiv se im did riili get siev.

Aks 9:26 ပူးပေါင်းရင်းမြစ်များ

Matyu 24:10

Uol iip a piipl a-go gi op an tap fala mi. Dem a-go sel out dem wan aneda an iet dem wan aneda.

Aks 26:20

So di fos plies mi priich a Damaskos. Afta dat mi priich iina Jeruusilem an aal uova Judiya. Mi priich tu di piipl we a no Juu tu. Mi tel dem fi ton we fram dem sin an ton tu Gad an fi du di sitn dem we shuo se dem riili sari bout dem sin.

Aks 4:23

Afta dem get let go Piita an Jan go bak tu di ada piipl we biliiv iina Jiizas an go tel dem evriting we di liida fi di priis dem an di elda dem se tu dem.

Aks 9:19

An afta Saal get sopm fi iit, im get bak chrang agen. Saal tan a Damaskos fi kopl die wid di piipl dem we biliiv iina Jiizas.

Aks 9:25

So wan nait som a Saal falara dem tek im an let im dong iina wan baaskit chuu wan uol iina di siti waal.

Gyalieshan 2:4

Mi did taak tu di liida dem wan kaaz yu av som piipl we gwaan laik se dem a fala Gad an a siniik kom iin mongks Gad piipl, so dat dem kyan wach dem. Jiizas frii wi kaaz wi an im kluos. So dem a wach wi kaaz wi no afi fala di Juu dem Laa. Dem waahn wi fi fala da Laa de laik se wi a sliev.