Aks 9:20 - Di Jamiekan Nyuu Testiment

²⁰ Saal neva wies no taim. Im staat priich siem taim iina di Juu dem choch se Jiizas a Gad Bwai Pikni.

Aks 9:20 ပူးပေါင်းရင်းမြစ်များ

Matyu 27:43

Im se im chos iina Gad, den mek Gad siev im ef a dat Gad waahn du, kaa im no se, ‘Mi a Gad pikni!’ ”

Matyu 27:54

Wen di ed fi onjrid suoja, an di suoja dem we did de wid im a gyaad Jiizas, si di ortkwiek an aal we did a apm, dem kech dem fried wikid wikid. Ier dem no, “Fi riil, da wan ya did a Gad Bwai Pikni fi chuu!”

Matyu 4:3

A da taim de di devl, we eva a chrai mek piipl du rang, kom se tu im se, “Ef yu a Gad Bwai Pikni, tel dem rakstuon ya fi ton bred.”

Jan 1:49

Wen Nataniyel ier Jiizas se dat de, im se, “Rabai! Tiicha! Yu a Gad Bwai Pikni fi chuu! Yu a di King we ruul uova Izrel!”

Jan 19:7

Bot di Juu liida dem stil baal out, “Wi av wan laa we se im fi ded, kaa im a taak bout ou im a Gad Bwai Pikni.”

Jan 20:28

Den Tamas se tu im se, “Yu a mi Laad an mi Gad!”

Jan 20:31

Bot dem ya rait dong so unu mait-a biliiv se Jiizas a di Krais, Gad Bwai Pikni, an dat wen unu biliiv iina im, unu kyan av laif we laas fi eva.

Aks 13:14

Dem lef Porga an go a Pisidiyan Antiyak. Pan di Sabat dem go iina di Juu dem choch go sidong.

Aks 13:33

Im kip im pramis we im did mek tu wi faada faada dem wen im mek Jiizas kom bak alaiv. Kaaz it rait dong iina Saam tuu se, “ ‘Yu a fi mi bwai pikni; tide tide mi ton yu faada.’

Aks 13:46

Bot Paal an Baanabas neva fried fi tel dem di chuut. Dem se, “Wi did afi priich Gad wod tu unu fos bifuo wi kuda priich tu di piipl we a no Juu, kaaz a dat Gad tel wi fi du. Bot unu ton unu bak pan Gad mesij an se a lai wi a tel. Da wie de unu ton unu bak pan Gad. An unu tingk se unu neva gud inof fi liv wid im fi eva an eva laik wa im did pramis. So fram nou aan, wi a lef unu an go priich Gad mesij tu di piipl dem we a no Juu.

Aks 13:5

Wen dem riich a Salamis, dem staat priich Gad wod iina di Juu dem choch. (Dem did av Jan wid dem fi elp dem wid di wok).

Aks 14:1

Di siem ting we did apm tu Paal an Baanabas iina Antiyak apm iina Aikoniyom. Di tuu a dem go iina di Juu dem choch an taak tu piipl we a Juu an piipl we a no Juu. Wa dem se did so powaful dat nof nof piipl we a Juu an piipl we a no Juu biliiv iina Jiizas.

Aks 16:13

Pan di Sabat die wi go chuu di siti giet go a di rivasaid. Wi go de kaaz wi did uop fi fain wan plies we piipl gyada op fi prie tu Gad. So wi sidong an staat fi taak tu di uman dem we did gyada op de.

Aks 17:10

Wen nait kom di breda an sista dem sen we Paal an Sailas siem taim go a Beriya. Wen dem riich de, dem go a di Juu dem choch.

Aks 17:17

So evridie im go a di Juu dem choch, an iina di maakit go taak tu di piipl dem we did de de; piipl we a Juu an piipl we a no Juu we worship Gad.

Aks 17:2

An laik im aalwiez du, Paal go iina di Juu dem choch. Fi chrii Sabat im yuuz Gad wod fi aagyu wid dem.

Aks 18:19

Wen dem riich a Efisos Paal lef Prisila an Akwila an im go iina di Juu dem choch go taak tu dem.

Aks 18:4

Evri Sabat Paal go a di Juu dem choch an go aagyu wid di Juu dem an wid di Griik piipl dem fi chrai win dem uova.

Aks 19:8

So die afta die, fi bout chrii mont, Paal go iina di Juu dem choch an im neva fried fi aagyu wid dem an chrai fi get dem fi biliiv se wa im did a se bout Gad kindom a chuu.

Aks 8:36

Dem did stil a gwaan pan di ruod wen dem kech a wan plies we waata de. Di man we inchaaj a di moni se tu Filip, “Luk! Si waata de! Wa fi tap mi fram get baptaiz rait nou?”

Aks 9:22

Bot Gad gi Saal muor an muor powa fi priich. Im did a pruuv fram Gad wod se Jiizas a di wan we Gad sen fi siev piipl. An di Juu dem we liv iina Damaskos did kanfyuuz kaaz dem kudn fain notn rang wid wa im did a tiich.

Ruoman 1:4

Jiizas Krais wi Laad a Gad Uoli Bwai Pikni. An iivn duo im kom fram Dievid fambili, Gad shuo klier klier se im a im Bwai Pikni an gi im im powa wen im mek Jiizas kom bak alaiv.

Gyalieshan 1:16

im mek mi nuo im Bwai Pikni, Jiizas, so dat mi kuda tiich di piipl dem we a no Juu bout im. Mi neva go taak tu nobadi wen dem sitn de apm tu mi,

Gyalieshan 2:20

An a no mi a liv no muor bot a Krais Jiizas a liv iina mi. Nou mi liv kaaz mi chos iina Gad Bwai Pikni — di wan we lov mi an we ded fi mi.

Revilieshan 2:18

“Rait da leta ya sen go gi di liida fi di choch we iina Taiyataira. Tel im se: Faada Gad Bwai Pikni, di wan uufa yai dem shain brait laik wan faiya we a bliez, uufa fut dem shain brait laik branz we dem bon iina faiya fi get out aal wa no fi iina it an we dem rob til it shain shain, im se,