Aks 9:18 - Di Jamiekan Nyuu Testiment

¹⁸ Siem taim im a taak, som sitn we komiin laik fish skiel jrap aafa Saal yai an im kuda si agen. Den im get op an get baptaiz.

Aks 9:18 ပူးပေါင်းရင်းမြစ်များ

Aks 2:38

Piita tel dem se “Aal a unu, ton we fram unu sin dem an shuo se unu sari fi wa unu du, get baptaiz iina Jiizas Krais niem an Gad wi paadn unu fi unu sin dem. Ef unu du dat, Gad wi gi unu im gif, dat a di Uoli Spirit.

Aks 2:41

Di wan dem we biliiv Piita mesij get baptaiz, an da die de, di Laad mek bout chrii touzn muor piipl jain di choch.

Aks 22:13

kom tu mi an tan op saida mi. Im se tu mi se, ‘Breda Saal, luk, si agen!’ Siem taim mi luk op an si'im.

Aks 22:16

So wa yu a wiet fa nou? Git op, kaal pan Gad niem, get baptaiz an mek Gad wash we yu sin.’

Aks 9:17

So Ananaiyas go a di ous we Saal did de. Im go iina di ous, put im an pan Saal an se, “Breda Saal, di Laad Jiizas, di wan we yu did si wen yu did de pan yu wie a kom ya, im sen mi tu yu. Im sen mi so yu wi kyan si agen an fi mek di Uoli Spirit kom liv iina yu.”

Aks 9:19

An afta Saal get sopm fi iit, im get bak chrang agen. Saal tan a Damaskos fi kopl die wid di piipl dem we biliiv iina Jiizas.

Aks 9:8

Saal get op, bot wen im uopm im yai dem im kudn si a ting. So dem uol im an an liid im go a Damaskos.

2 Korintiyan 3:14

Bot di Izrel piipl dem, dem komiin laik piipl we naa no sens. Kaaz aal tide die, wen dem ier di uol Laa a riid out, a laik sopm a tap dem fram andastan se di taim fi di Laa don. A laik se di piis a klaat stil a kova op di chuut an a tap dem fram si. An dem naa go kyan muuv da piis a klaat de kaaz a onggl Krais Jiizas wan kyan muuv it.

2 Korintiyan 4:6

Di Gad we se, “Mek di lait shain iina di daak,” a im siem wan mek im lait shain iina wi aat so dat wi kyan andastan umoch im lov wi an ou powaful im bi. An wi onggl get fi andastan dem sitn de wen wi biliiv iina Krais Jiizas.