Aks 8:9 - Di Jamiekan Nyuu Testiment

⁹ Nou yu did av wan man iina di toun niem Saiman. Fi wan lang taim im did a wok uobiya an di piipl dem kudn biliiv som a di powaful sitn dem we im wuda du. An im yuus tu kliem se im a wan big impuotant sumadi.

Aks 8:9 ပူးပေါင်းရင်းမြစ်များ

Jan 7:18

Sumadi we taak fi imself a luk big op fram piipl, bot sumadi we wok so dat di wan we sen im get big op, a gud sumadi an wa im taak a chuu sitn. Dem no lai.

Aks 13:6

Afta dem chravl kraas di uol konchri til dem riich wie a Pafos, dem miit wan uobiya man, wan Juu we niem Bar-Jiizas we a did wan faalz prafit.

Aks 13:8

Bot Elimas di uobiya man (iina di Griik langwij a so dem kaal im) tan op chrang gens Baanabas an Saal, a chrai fi mek di govana ton gens di gud nyuuz.

Aks 5:36

Kopl ier bak wan man niem Tuodos shuo op an staat tel piipl bout ou im a wan powaful liida an bout fuo onjrid man did jain op wid im. Bot dem kil im, an aal a im falara dem skyata aal uova di plies an a so dat did don.

Aks 8:11

Dem did lisn tu im aad aad kaaz fi wan lang lang taim dem kudn biliiv di sitn dem we dem si im du.

2 Tesaluoniyan 2:4

Im a-go fait gens eniting an enibadi we piipl kaal gad, an eniting we dem worship. An im a-go put imself aiya dan dem. Im a-go aal tek siit iina Gad ous an kliem se im a Gad.

2 Timoti 3:2

Piipl onggl a-go bizniz wid demself an dem a-go lov moni. Dem a-go gwaan buosi-buosi an ful-a demself. Dem a-go kos out an biit op biit op dem wan aneda an dem naa go fala wa dem mada an faada se. Piipl naa go gi tangks fi notn an dem naa go av notn fi du wid Gad.

2 Timoti 3:5

Dem a-go gwaan laik se dem a Gad piipl bot dem naa go riili biliiv iina Gad. Yu si dem piipl ya, no av notn fi du wid dem.

2 Piita 2:18

Dem mek big chat we no wot notn an chrai fi jraa we di piipl dem we jos bieli ton we fram di piipl dem we naa liv rait. Kaaz dem piipl ya bieli muuv we fram dem sitn de, an wi stil wel waahn av seks iivn duo dem no marid an dabl-dabl iina aal kain-a sin, di faalz tiicha dem yuuz dis an jraa dem we.

Revilieshan 22:15

Bot di piipl dem we mek demself doti wid aal kain-a naasinis kyaahn go iina di siti: piipl we wok uobiya, du aal kain-a seks sin, kil piipl, worship faalz gad, an piipl we lov fi tel lai, non a dem kyaahn go iina di siti.