Aks 8:7 - Di Jamiekan Nyuu Testiment

⁷ Wikid spirit baal out an kom outa nof piipl an nof kripl piipl an piipl we kudn muuv at aal get beta.

Aks 8:7 ပူးပေါင်းရင်းမြစ်များ

Matyu 10:1

Jiizas kaal op im twelv falara dem an gi dem di rait fi ron out wikid spirit. An im gi dem di rait an powa fi get piipl beta we sik iina aal kain-a wie an we av aal kain-a siknis.

Matyu 11:5

Di blain kyan si nou; kripl piipl a waak; piipl we av siknis we mek dem skin fasi-fasi, dem skin kom bak gud gud, def piipl a ier nou, ded a kom bak alaiv, an di gud nyuuz a priich tu puo piipl.

Matyu 4:24

So piipl staat ier bout im muo an muo aal roun Siriya, an dem kyari aal saat a piipl kom we sik iina dis ya wie ar dat de wie. Dem kyari piipl we pien op an a sofa fram aal saat a kraasiz, an aal uu did a sofa fram sitn we mek dem kech fits dem kyari dem kom tu. Dem kyari piipl we kyaahn waak, piipl we av diiman iina dem, an Jiizas get di uol a dem beta.

Maak 9:26

Di spirit baal out an shiek di bwai aad aad an kom outa im. Afta im kom out di bwai luk laik wan ded man an nof a di piipl dem se, “Im ded!”

Luuk 10:17

Di sevnti-tuu falara dem kom bak glad an dem se, “Laad, wen wi yuuz yu niem, aal di diiman dem du wa wi tel dem fi du.”

Jan 14:12

Fi chuu chuu mi a tel unu se enibadi we biliiv iina mi a-go wok di powaful mirikl dem we mi a du. Dem aal a-go wok muo powaful mirikl dan wa mi du nou, kaa mi a go baka di Faada.

Aks 5:16

Kroud an kroud a piipl kom fram di toun dem roun Jeruusilem. Dem kyari dem sik piipl an piipl we diiman spirit did tek set pan kom a di apasl dem an aal a dem get beta.

Aks 8:6

Wen di kroud a piipl ier Filip an si di mirikl dem wa im did a du, aal a dem lisn gud tu wa im did a se.

Iibruu 2:4

An Gad yuuz sain an shuo se dis a chuu sopm. Som sitn we im du, piipl kyaahn biliiv dem yai di wie dem sopraiz! Plos im yuuz aal kain-a mirikl. An im aal mek piipl get wa di Uoli Spirit kom gi. Dem get it jos laik ou im did waahn it fi go. An aal a dat shuo se wa di piipl dem did se riili riili chuu.