Aks 8:31 - Di Jamiekan Nyuu Testiment

³¹ Di man se, “Ou mi fi andastan ef nobadi no elp mi an tel mi we it miin?” So im aks Filip fi kom op kom sidong wid im.

Aks 8:31 ပူးပေါင်းရင်းမြစ်များ

Ruoman 10:14

Bot ef dem no biliiv iina im, ou dem fi kaal pan im? An ou dem fi biliiv iina im ef dem neva ier di mesij bout im? Ou dem fi ier ef sumadi no go priich tu dem?

1 Korintiyan 8:2

Di piipl dem we tingk se dem nuo sopm no riili nuo it yet laik ou dem fi nuo it.

Jiemz 1:21

So unu fi get rid a aal a di naasi an torbl sitn dem we so nof bout di plies. Ombl unuself an tek iin di mesij we Gad put iina unu aat we kyan siev unu laif.

Jiemz 1:10

Bot di rich piipl dem mos buos bout ou Gad ombl dem, kaaz rich piipl a-go get bluo we laik wail flowaz.

1 Korintiyan 3:18

No bada fuul unuself. Ef unu tingk unu waiz jos chuu di piipl we no biliiv iina Gad se so, mi a tel unu a beta unu ton fuul so dat unu kyan riili get waiz.

Maak 10:15

Mi a tel unu dis ya, an a chuu mi a taak, enibadi we no chos iina Gad an fala im laik wan likl pikni naa go kyan go iina Gad kindom.”

Aks 8:30

Den Filip ron op tu di bogi an ier di man a riid sitn we di prafit Aizaiya rait. Filip aks im se, “Yu andastan wa yu a riid?”

Aks 8:32

Di paat a Gad wod we di man did a riid, dis a wa it se: “Dem tek im an liid im we laik ou dem wuda liid wan shiip go a di plies fi kil im, an siem laik ou wan Biebi Shiip tan op an no mek wan soun wen dem a kot aaf im wul, a siem so im neva se a wod.