Aks 8:30 - Di Jamiekan Nyuu Testiment

³⁰ Den Filip ron op tu di bogi an ier di man a riid sitn we di prafit Aizaiya rait. Filip aks im se, “Yu andastan wa yu a riid?”

Aks 8:30 ပူးပေါင်းရင်းမြစ်များ

Matyu 13:19

Wen nobadi ier di mesij bout Gad kindom an no andastan it, di wikid wan kom siem taim kom tek we wa get plaant iina dem aat. Dis a di siid we did jrap wich paat piipl waak.

Matyu 13:23

Bot di siid we jrap pan gud grong nou, da sumadi de ier Gad wod an andastan it. So, laik di siid we plaant pan gud grong im bier wan onjrid, siksti ar toti taim muo fruut dan wa di faama did plaant op.”

Matyu 13:51

“Unu andastan aal we mi a se?” Dem se, “Ye.”

Matyu 15:10

Den Jiizas kaal di piipl dem wich paat im de an se, “Ier wa mi a se an andastan dis:

Matyu 24:15

“Bot bifuo dat apm, unu gweehn si wa di prafit Daniyel weehn taak bout, wen im did a chat bout di ‘wikid wikid sitn we go gens Gad an doti op Gad ous,’ ou it tan op iina Gad plies (mek shuor se evribadi we riid dis ya andastan we it miin).

Maak 13:14

“Bot wen unu si di wikid wikid sitn we go gens Gad tan op iina Gad ous — mek shuor se evribadi we riid dis ya andastan we it miin — den dem we liv iina Judiya fi ron we go iina di mountn dem.

Jan 4:34

“Fi mi fuud,” Jiizas se tu dem, “a fi du we di wan we sen mi kom ya waahn mi fi du, an fi finish op di wok im gi mi.

Jan 5:39

Unu stodi an stodi Gad wod aad, kaa unu tingk se a dat a-go mek unu nuo ou unu kyan liv fi eva. Bot di sed wod we unu a stodi, taak bout mi,

Aks 8:27

So Filip get op an lef. Wen im did a chravl pan di ruod, im bok op wan man we kom fram Iitiyuopiya. Im a did wan impuotant man. A im did inchaaj a aal a di moni fi Kyandiis, kwiin fi Iitiyuopiya. Im did go a Jeruusilem fi go worship Gad an wen im a go baka im yaad

Aks 8:29

Di Spirit tel Filip se, “Gwaan go jain da bogi de an stie kluos tu it.”

Aks 8:31

Di man se, “Ou mi fi andastan ef nobadi no elp mi an tel mi we it miin?” So im aks Filip fi kom op kom sidong wid im.

Aks 8:5

Filip go dong a wan siti iina Samieriya an priich tu dem bout Krais Jiizas.

1 Korintiyan 14:19

Bot wen choch a kip mi wuda prefa fi se faiv wod we piipl kyan andastan an lorn fram dan fi go se ten touzn wod iina tongz.

Ifiijan 5:17

So no bada gwaan laik unu chupid. Fain out we di Laad riili waahn unu fi du.

Revilieshan 13:18

Unu afi waiz ef unu waahn andastan dis ya. Enibadi we waiz kyan ad op di wail animal nomba, kaaz a man nomba. Im nomba a 666.