Aks 8:25 - Di Jamiekan Nyuu Testiment

²⁵ Afta Piita an Jan don tel di piipl wa dem nuo bout di Laad, an priich di Gud Nyuuz, dem go baka Jeruusilem. Pan di wie dem priich di Gud Nyuuz iina nof Samaritan dischrik.

Aks 8:25 ပူးပေါင်းရင်းမြစ်များ

Matyu 10:5

A dem twelv piipl ya Jiizas did sen out, an dis a wa im did tel dem fi du: “No go wich paat di piipl dem we a no Juu de, an no go iina di toun dem we di Samaritan piipl dem liv.

Luuk 16:28

beg im waan mi faiv breda dem, so dem no kom dong a da plies ya, we evribadi a sofa.’

Jan 15:27

An unu fi tel piipl bout mi tu, kaa unu did de wid mi fram di staat.

Aks 1:8

Bot di Uoli Spirit a-go kom pan unu an ful unu op wid powa an unu wi tel piipl iina Jeruusilem, Judiya, Samieriya an aal uova di worl bout mi.”

Aks 13:12

Wen di govana si evriting wa apm, im biliiv, an wa Paal an Baanabas did a tiich bout di Laad Jiizas did riili kaaz im fi wanda aad aad.

Aks 18:5

Nou wen Sailas an Timoti kom fram Masiduoniya, Paal tap mek tent an yuuz aal a im taim fi priich di mesij an tel di Juu dem se Jiizas a di wan we Gad sen fi siev piipl.

Aks 20:21

An mi neva fried fi tel piipl we a Juu an piipl we a Griik fi ton we fram dem sin, shuo se dem sari fi wa dem du, ton tu Gad, an biliiv iina Jiizas.

Aks 28:23

So dem set di taim fi miit wid im. Wen dem shuo op a im ous fi di miitn, uol iip muor a dem kom dan di fos taim. Fram maanin til iivnin, Paal taak tu dem an elp dem andastan di mesij bout Gad kindom an Jiizas. An im yuuz di Laa we Muoziz did rait dong, an wa di prafit dem did rait fi get dem fi biliiv se wa im did a tel dem bout Gad kindom a chuu.

Aks 28:28

“So mi waahn unu fi nuo se Gad mesij bout ou im a-go siev piipl a-go go tu di piipl dem we a no Juu. Dem wi lisn!”

Aks 28:31

an priich tu dem bout Gad kindom an tiich dem bout di Laad Jiizas Krais. An im neva fried fi tiich bout di Laad Jiizas an notn neva de de fi tap im.

Aks 8:40

Den Filip si se Gad Spirit tek im go a Azuotos. Fram de-so im gwaan priich Gad wod tu aal di toun dem til im riich a Sesuriiya.

1 Piita 5:12

Silvanos, uu a laik mi breda, we riili chos iina Jiizas, a im elp fi rait da leta ya, so widoutn mek it tuu lang, mi rait fi jos elp unu fi gwaan uol aan pan Gad, an fi tel unu chrang chrang se wa Gad du fi unu riili a shuo se im lov unu bad bad. Tan op chrang iina da lov de.