Aks 8:21 - Di Jamiekan Nyuu Testiment

²¹ Yu no av no paat iina da wok ya, kaaz yu aat no rait iina Gad yai.

Aks 8:21 ပူးပေါင်းရင်းမြစ်များ

Luuk 1:6

Gad si se di tuu a dem a did gud sumadi. Kaaz dem liv ou im waahn dem fi liv, dem du aal a wa im tel dem fi du an nobadi kudn paint no fingga pan dem.

Jan 21:17

Fi di tord taim Jiizas aks im se, “Saiman, Jan bwai pikni, yu lov mi?” Piita did fiil a wie, kaaz a chrii taim nou Jiizas aks se, “Yu lov mi?” So im se, “Laad, yu nuo evriting. Yu nuo se mi lov yu.” Den Jiizas se tu im se, “Fiid mi shiip dem.

Ifiijan 5:5

Unu kyan nuo fi shuor se enibadi we sliip wid sumadi dem no marid tu, dem kyaahn tek paat iina di nais sitn dem we put op fi Gad piipl iina Faada Gad an Krais Jiizas kindom. Di siem ting go fi dem we du naasinis an dem we waahnti-waahnti (dem piipl de a worship faalz gad).

Iibruu 4:13

No iivn wan sitn kyan aid fram Gad! Bot evriting uopm op an im kyan si di uol a dem, an a im wi afi go ansa tu bout evriting we wi du.

Revilieshan 2:23

Mi a-go kil aaf ar falara dem. Den aal a di choch dem wi fain out se a mi a di wan we sorch out evribadi main an aat. An fi aal we unu a du, mi a-go pie unu bak wa unu fi get.

Revilieshan 20:6

Di piipl dem we kom bak alaiv di fos taim riili api. Dem a Gad piipl. Di sekan det no av no powa uova dem. Dem a-go ton priis fi Gad an Krais Jiizas an dem a-go ruul wid im fi wan touzn ier.

Revilieshan 22:19

An ef enibadi tek we eni paat a di mesij we iina da buk ya bout we Gad se a-go apm, Gad a-go tek we fi dem rait fi iit non a di fruut fram di chrii we gi laif an im rait fi liv iina di uoli siti, we rait dong iina da buk ya.