Aks 8:20 - Di Jamiekan Nyuu Testiment

²⁰ Piita se, “Mi uop se yu an yu moni go a el kaaz yu tingk se yu kuda bai di Uoli Spirit wa Gad gi piipl!

Aks 8:20 ပူးပေါင်းရင်းမြစ်များ

Matyu 10:8

Get sik piipl beta, mek ded piipl kom bak alaiv, piipl we av siknis we mek dem skin fasi-fasi — mek dem skin get bak kliin, an ron out diiman spirit tu. Unu get tingz an unu neehn afi gi notn, nou gi an no luk fi get bak notn.

Aks 2:38

Piita tel dem se “Aal a unu, ton we fram unu sin dem an shuo se unu sari fi wa unu du, get baptaiz iina Jiizas Krais niem an Gad wi paadn unu fi unu sin dem. Ef unu du dat, Gad wi gi unu im gif, dat a di Uoli Spirit.

Revilieshan 18:15

Di bizniz piipl dem we sel aal a dem sitn de, an we get rich aafa ar a-go tan op faar fram ar, kaaz dem fried se di sofarieshan we lik ar mait-a riich dem tu. Dem a-go ala an baal,

Jiemz 5:3

Unu guol an unu silva dem get rosti, an dem a-go joj unu an shuo se unu gilti. Dem a-go nyam op unu flesh jos laik se a faiya a bon unu op. Unu pak op wan uol iip a moni an nais sitn iina dem taim ya wen di worl suun don.

Aks 8:22

Ton we fram di wikid sitn dem we yu a tingk bout an prie an beg Gad fi paadn yu. Da wie de im mait-a paadn yu fi di wikid sitn dem we yu av iina yu aat,

1 Timoti 6:9

Bot di piipl dem we waahn fi rich, di devl chrik dem an mek dem du aal kain-a wikid sitn. Im kech dem wid di fuul-fuul sitn dem we dem waahn an we no gud fi dem. Dem kyaahn si se di sitn dem we dem waahn a-go mash dem op an singk dem.

Aks 11:17

So ef Gad gi di Uoli Spirit tu di piipl we a no Juu siem laik ou im did gi wi di Uoli Spirit kaaz wi biliiv iina Jiizas, a uu mi fi go fait gens Gad?”

Aks 10:45

Di Juu dem we biliiv iina Jiizas an we did kom wid Piita did shak. Dem did shak fi si se Gad gi di Uoli Spirit iivn tu di piipl we a no Juu.

Matyu 15:19

Kaaz a outa di aat aal kain-a wikidnis we piipl tingk op kom fram. Wen sumadi go kil, go sliip wid sumadi we dem no marid tu ar gwaan wid aal kain-a ada seks sin, wen piipl tiif, tel lai, ar tek dem mout tier dong ada piipl — a di aat dem sitn de kom fram.

Aks 1:18

(Im yuuz di moni we im did get fi sel out Jiizas an bai wan piis a lan. Pan da siem piis a lan de, im faal dong ed wie an im beli bos an im chraip an evriting iina im flai out.

Aks 8:19

Im se, “Gi mi da powa ya tu mek mi kyan put mi an pan piipl an mek dem get di Uoli Spirit.”