Aks 8:10 - Di Jamiekan Nyuu Testiment

¹⁰ Evri jak man iina Samieriya, fram di likl man tu di big impuotant wan dem lisn tu im. Dem se “Da man ya a di gad we niem di Griet Powa. A im kom dong kom ton Saiman.”

Aks 8:10 ပူးပေါင်းရင်းမြစ်များ

Aks 14:11

Wen di kroud si wa Paal du, dem staat baal out iina di Likuoniyan langwij, dem se, “Di gad dem ton man an kom dong fram evn tu wi.”

Aks 28:6

Bot di piipl did a luk fi si im swel op ar jrap dong ded siem taim. Bot afta dem wiet fi wan lang taim an no si notn apm tu im, dem chienj dem main an se im a wan gad.

1 Korintiyan 1:24

Bot yu si di piipl dem we Gad kaal fi bi im pikni, weda dem a Juu ar dem a no Juu, da mesij de shuo ou Gad powaful an ou im waiz.

2 Korintiyan 11:19

Unu so waiz, unu eva redi fi tek iin an lisn tu di fuul dem.

Ifiijan 4:14

Wen da taim de kom, wi naa go komiin laik likl pikni we iizi fi get fuul op. Wi naa go komiin laik wan likl buot we di sii pich aal bout, ar we briiz bluo aal uova di plies. No laiyad, jinal tiicha kyaahn kom chrik wi ar fuul wi op.

2 Piita 2:2

A uol iip a piipl a-go fala dem an du aal kain-a naasinis. An siek-a wa dem du, ada piipl a-go waahn se aal kain-a bad sitn bout di wie we riili liid tu Gad — an aal gi da wie de bad niem.

Revilieshan 13:3

Wan a di wail animal ed did av wan chap we luk laik it did kil im, bot im ed did get beta. Aal di piipl pan di ort shak wen dem si di wail animal,