Aks 8:1 - Di Jamiekan Nyuu Testiment

¹ An Saal did de de an im did biliiv se dem did rait fi kil Stiivn. Da die de wan torbl sofarieshan tek di choch iina Jeruusilem. An aal a di biliiva dem did get skyata skyata aal uova Judiya an Samieriya. Onggl di apasl dem neva get skyata skyata.

Aks 8:1 ပူးပေါင်းရင်းမြစ်များ

Matyu 22:6

Di res a dem uol aan pan im sorvant dem. Dem biit dem op an kil dem aaf.

Matyu 23:34

A dat mek mi a-go sen prafit tu unu, mi a-go sen som man we waiz kom, an som piipl we tiich Gad wie, som a dem unu a-go kil an niel pan di kraas, an som, unu a-go biit dem iina di Juu dem choch an ron dem dong fram toun tu toun laik wail animal.

Matyu 5:13

“Unu a laik saalt fi di uol worl yu no. Bot ef di ties gaan outa di saalt, ou it fi ties bak laik saalt? It no wot notn nou. It fi jos dash we an tep tep op pan.

Jan 15:20

Memba we mi did tel unu se, ‘No sorvant no biga dan im maasta.’ Ef dem mek mi sofa den dem mos a-go mek unu sofa tu. Ef dem du wa mi tiich dem fi du, dem a-go du wa unu tiich dem fi du tu.

Jan 16:2

Dem a-go ron unu outa di Juu dem Choch. Di taim aal a kom wen sumadi a-go kil unu an tingk se dem a du sitn gud fi Gad.

Aks 1:8

Bot di Uoli Spirit a-go kom pan unu an ful unu op wid powa an unu wi tel piipl iina Jeruusilem, Judiya, Samieriya an aal uova di worl bout mi.”

Aks 13:1

Nou yu did av som prafit an som tiicha mongks di biliiva dem we did de a Antiyak: man laik Baanabas, Simiyan we dem kaal Naiga, Luushos fram Sairiin, Manoyen (im an Erad di ruula a did gud gud fren fram dem a pikni) an Saal.

Aks 13:36

“Kaaz afta Dievid du we Gad did waahn im fi du mongks fi'im piipl we im gruo op wid, im ded an dem beri im mongks im faada faada dem griev an im badi ratn.

Aks 2:47

Dem kip aan a priez Gad an aal di piipl iina Jeruusilem did api wid dem an taak gud bout dem. Evridie di Laad Jiizas siev muor an muor piipl an mek dem jain di choch.

Aks 22:20

An wen dem did a kil yu sorvant Stiivn, mi did tan op de an did a se ye, im fi ded, an did aal a tek kier a di kluoz fi di man dem we did a kil im.’

Aks 26:10

An a dat mi yuus tu du iina Jeruusilem. Mi neva jos get powa fram di ed priis fi lak op som a di piipl dem we biliiv, bot mi aal vuot gens dem wen dem sen dem fi ded.

Aks 5:18

So dem ares di apasl dem an put dem iina di prizn we aal kain-a bad piipl de.

Aks 5:20

“Go tan op iina di yaad we Gad ous de an tel di piipl dem evriting bout da nyuu wie ya fi liv.”

Aks 5:33

Wen di Juu liida dem ier dem sitn de, dem get beks til dem blod staat bwail an dem redi fi kil di apasl dem.

Aks 5:40

an dem kaal iin di apasl dem an mek di suoja dem biit dem. Den dem aada dem se, “No taak tu di piipl an yuuz Jiizas niem eva agen!” Afta dat dem let dem go.

Aks 7:38

Da siem Muoziz ya did de de wid di Izrel piipl we did gyada op iina di dezot. Im did de de wid wi faada faada dem an wid di ienjel we did taak tu im pan Mount Sainai. An a im did get Gad wod, di Wod we laas fi eva, an a im kyari it kom gi wi.

Aks 7:54

Wen di Juu liida dem ier dis dem beks wid im so til dem staat grain dem tiit.

Aks 7:58

Dem ron im outa di siti an staat stuon im. An di wan dem we did a stuon im pudong dem kluoz a di fut a wan yong man we niem Saal.

Aks 8:14

Wen di apasl dem iina Jeruusilem ier se di piipl iina Samieriya biliiv an staat fala Gad wod, dem sen Piita an Jan tu dem.

Aks 8:2

Som man we worship Gad beri Stiivn an dem ala an baal fi im.

Aks 8:4

Di biliiva dem we did get skyata skyata priich di Gud Nyuuz bout Jiizas evriwe dem go.

Aks 8:5

Filip go dong a wan siti iina Samieriya an priich tu dem bout Krais Jiizas.

Aks 9:31

Den di choch dem we did iina Judiya, Gyalalii, an Samieriya get a briek fram di sofarieshan we dem did a go chuu fi a wail. Di choch gruo muor an muor kaaz dem di a du we de Laad waahn dem fi du an di Uoli Spirit did a wok wid dem.

Ruoman 1:32

Iivn duo dem nuo se Gad se enibadi we a tek paat iina dem sitn de, dizorv fi ded, dem gwaan liv dem laif siem wie. Wos dem aal a tel ada piipl se a gud sitn dem a du wen dem tek paat iina dem sitn de tu.

Filipiyan 1:12

Ier mi nou breda an sista, mi waahn unu fi andastan se aal we apm tu mi onggl mek di Gud Nyuuz bout Jiizas pred muor an muor.

Iibruu 11:27

Siek-a ou im chos iina Gad, im lef Iijip an neehn fried se di king mait-a beks. An im neehn ton bak. Im uol aan pan di Gad we nobadi kyaahn si, laik se im kuda si im.