Aks 7:56 - Di Jamiekan Nyuu Testiment

⁵⁶ Im se “Luk! Mi si evn uopm op an di Man we Gad pik tan op a Gad rait-an-said.”

Aks 7:56 ပူးပေါင်းရင်းမြစ်များ

Matyu 25:31

“Wen di Man we Gad Pik kom wid di powa we im av kaa im a king, an aal a di ienjel dem kom wid im, im a-go sidong pan im tap-a-tap chuon.

Matyu 3:16

Az Jiizas don baptaiz so, wen im a kom op outa di waata, aal av a sodn evn uopm op an im si Gad Spirit a kom dong pan im laka wan dov.

Matyu 8:20

Jiizas se tu im se, “Faks av uol, an di bod dem av nes, bot di Man we Gad Pik no av no we fi pudong im ed.”

Maak 1:10

Siem taim Jiizas a kom op outa di waata, im si evn uopm op an di Spirit a kom dong pan im laik wan dov.

Luuk 3:21

Wen aal a di piipl dem did a get baptaiz, Jiizas kom fi get baptaiz tu. Wen im did a get baptaiz an a prie evn uopm op,

Jan 1:51

Den im se, “Mi a tel unu fi chuu chuu se unu gweehn si di skai uopm op, an unu a-go si Gad ienjel dem a go op iina evn an a kom dong pan di ort tu di Man we Gad Pik.”

Aks 10:11

Iina im vijan im si evn uopm op an sitn laik wan big big shiit a kom dong tu ort, laik se piipl did a uol di fuo kaana dem an a let it dong.

Aks 10:16

Im ier di vais se di siem ting chrii taim, an den di shiit get tek op bak iina evn.

Aks 7:57

Wen dem ier dat, dem baal out pan tap a dem vais, kova op dem iez, an di uol a dem ron dong pan im wan taim.

Revilieshan 11:19

Den Gad ous iina evn uopm op. An mi si iina Gad ous di likl wud baks we kip di tuu stuon buk dem we Gad did gi Muoziz an we av di ten Laa dem rait pan it. Siem taim laitnin did a flash, tonda staat ruol, wan ortkwiek lik an wan torbl staam kom, an aal ais staat jrap fram di skai.

Revilieshan 19:11

Wen mi luk, mi fraitn fi si evn uopm op an wan wait aas tan op im infronta mi. An di sumadi we did a raid di aas niem di Wan we Aalwiez Sorv Gad an we Evribadi Kyan Chos. Im du wa rait wen im joj piipl an waar gens im enimi dem.

Revilieshan 4:1

Afta aal a dem sitn de apm, mi luk an si wan duor uopm iina evn. An di vais we did soun laik wan chompit we mi did ier a taak tu mi di fos taim, se tu mi se, “Kum op ya-so. Kum mek mi shuo yu we gweehn apm likl fram dis.”