Aks 7:52 - Di Jamiekan Nyuu Testiment

⁵² Wich wan a Gad prafit dem fi unu faada faada dem neva mek sofa? Dem aal kil Gad mesinja dem we did tel dem fram wie bak wen se di wan we aalwiez du we rait did a kom. Bot unu sel im out an kil im.

Aks 7:52 ပူးပေါင်းရင်းမြစ်များ

Matyu 5:12

Mek unuself api wen dem sitn de apm tu unu; jomp op an dong wid jai iina unu aat, kaa nof gud sitn pudong iina evn fi unu. A siem so dem yuus tu chriit Gad prafit dem we did de ya bifuo unu kom.

Luuk 6:23

“Mek unuself api wen dem sitn de apm tu unu, an jomp op an dong wid jai iina unu aat, kaaz nof gud sitn pudong iina evn fi unu. Di piipl dem we a chriit unu bad, a siem so fi dem piipl yuus tu chriit Gad prafit dem.

Jan 16:10

Dem rang bout Gad an bout uu an wa rait iina Gad yai, kaa, luk ya no, mi a go a mi Faada duo piipl tingk se mi a sina. Mi a go baka mi Faada an unu naa go si mi no muo.

Aks 2:23

Azkaadn tu im plan, Gad gi uova da man de tu unu kaaz a so im did set it op, an im did don nuo se a so tingz did a-go go. An unu mek di piipl we a no Juu kil im pan di kraas.

Aks 22:14

“Den im se tu mi se, ‘Di Gad we wi faada faada dem worship pik yu fi nuo wa im plan fi du, fi si im sorvant we aalwiez du wa im waahn im fi du an fi ier da wan de taak tu yu imself.

Aks 3:18

Bot lang bifuo it apm, Gad tel im prafit dem se di wan we im wuda sen fi siev piipl wuda sofa, an a siem so im mek it apm.

Aks 3:24

“An aal a di prafit dem, fram Samwel kom dong, taak bout di sitn dem we a apm iina dem taim ya lang bifuo dem apm.

Aks 4:10

lisn mi, mi waahn aal a unu an evribadi we iina Izrel fi nuo, a Jiizas Krais we kom fram Nazaret mek im beta. Jiizas we unu kil pan di kraas, an we Gad mek kom bak alaiv, a im mek da kripl man ya tan op chrang infronta unu tide.

1 Tesaluoniyan 2:15

A dem siem Judiyan piipl de kil aaf di Laad Jiizas; dem did kil di prafit dem tu. An den dem kom kom mek wi sofa. Dem mek Gad beks bad! An dem an nobadi a no fren!

2 Timoti 3:4

Dem a-go ton chrieta an dem a-go du bie kielis sitn. Piipl iina di laas die dem a-go gwaan laik dem beta dan evribadi els. Insted-a lov Gad dem a-go lov fi du di sitn dem we dem tingk a fon, iivn ef Gad se dem no fi du dem.

1 Piita 1:11

Dem did chrai fi fain out a uu ar a wa taim Krais Jiizas Spirit, we iina dem, did aalwiez a taak bout. Di Spirit tel dem wie bifuo da taim ya se Krais Jiizas did a go sofa. An di Spirit tel dem bout aal a di gud gud sitn dem we a-go apm afta dat tu.

1 Jan 2:1

Mi pikni we mi lov, mi a rait dem sitn ya tu unu so unu wi no sin. Bot ef nobadi du sin, wi av sumadi we wi taak tu Faada Gad fi wi, Jiizas Krais we eva du wa rait.

Revilieshan 19:10

Wen mi ier dis, mi jrap pan mi nii a im fut fi worship im. Bot im se tu mi se, “No, yu kyaahn du dat! Mi sorv Gad jos laik yu an yu breda an sista dem we biliiv evriting we Jiizas tiich. So a Gad yu fi worship, kaaz di chuu sitn dem we nobadi neva nuo an we Jiizas shuo wi, a dat lou piipl fi pred Gad mesij!”

Revilieshan 3:7

Im se tu mi agen se, “Rait da leta ya go gi di liida fi di choch we iina Filidelfiya an tel im se: Da mesij ya a kom fram di wan we uoli an we aalwiez du we Gad waahn im fi du. A im av King Dievid kii we shuo se im av di powa fi ruul. Wa im uopm nobadi kyaahn shot, an wa im shot nobadi kyaahn uopm.