Aks 7:37 - Di Jamiekan Nyuu Testiment

³⁷ “Dis a di siem Muoziz we tel di Izrelait dem se, ‘Gad a-go sen unu wan prafit jos laik mi fram mongks unu uona piipl.’

Aks 7:37 ပူးပေါင်းရင်းမြစ်များ

Jan 18:37

“So yu a king, den?!”, Pailat aks im. Jiizas ansa im an se, “ ‘King,’ a di wod yu yuuz. A dis mi did baan fa; a dis ya mek mi kom iina di worl: fi taak tu piipl bout di sitn dem we riili chuu. Evribadi we lov di chuut lisn we mi se.”

Aks 7:38

Da siem Muoziz ya did de de wid di Izrel piipl we did gyada op iina di dezot. Im did de de wid wi faada faada dem an wid di ienjel we did taak tu im pan Mount Sainai. An a im did get Gad wod, di Wod we laas fi eva, an a im kyari it kom gi wi.

Luuk 9:35

Den dem ier wan vais iina di kloud se, “Dis a mi bwai pikni, a im mi pik, unu fi lisn we im se.”

Maak 9:7

Den wan kloud kom dong kom kova dem op an dem ier sumadi vais iina di kloud se, “A fi mi Bwai Pikni dis. Unu fi lisn wa im se!”

Matyu 21:11

An di kroud a piipl dem we did a fala baka Jiizas did a se, “A di prafit Jiizas dis ya we kom fram Nazaret iina Gyalalii.”