Aks 7:35 - Di Jamiekan Nyuu Testiment

³⁵ “A da siem Muoziz ya dem did ton dem bak pan wen dem se, ‘A uu mek yu wan ruula an wan joj?’ A im siem wan Gad sen tu dem fi ruul dem an fi frii dem wid di elp a di ienjel we did taak tu im fram di bush.

Aks 7:35 ပူးပေါင်းရင်းမြစ်များ

Luuk 19:14

“Bot di piipl dem we liv wich paat im kom fram did iet im. So dem sen piipl baka im fi se, ‘Wi no waahn da man ya fi ton wi King.’

Revilieshan 15:3

An dem did a sing di sang we Muoziz, Gad sorvant, sing an di sang wa di Biebi Shiip sing: “Laad Gad yu powaful an evriting wa yu du powaful. Yu a King fi aal a di konchri dem iina di worl, an evriting wa yu du an se a chuu.

Iibruu 2:2

Kaaz ef di mesij we di ienjel dem did gi, ton out chuu, an ef aal a di piipl dem we du rang, an dem we neva lisn, did get ponish laik ou dem fi get ponish,

Koloshan 1:15

Jiizas a siem laik im Faada. Unu kyaahn si Gad, bot unu kyan luk pan Jiizas an si ou Gad tan. Bifuo Gad mek notn, Jiizas did de de. Im aiya dan evriting we Gad mek.

Aks 7:51

“Unu piipl, unu stoban, an aad-iez an no waahn lisn tu Gad mesij. Unu aat komiin jos laik di piipl dem we no biliiv iina Gad. Unu eva a-go gens wa di Uoli Spirit waahn, siem laik we unu faada faada dem did du!

Aks 7:30

“Afta faati ier did paas, Muoziz did iina di dezot nier mount Sainai we wan ienjel kom tu im iina wan bush we did de pan faiya.

Aks 5:31

Gad big op Jiizas an put im fi sidong a im rait an. Im mek Jiizas wan liida an di wan we a-go siev piipl so dat di Izrel piipl wuda get di chaans fi ton we fram dem sin, shuo se dem sari, an get dem sin paadn.

Aks 3:22

Kaaz Muoziz did se, ‘Di Laad, fu'unu Gad, a-go riez op wan prafit laik mi. Da prafit de a-go bi fu'unu, an im a-go kom fram mongks unu uona piipl. Unu mos lisn an du evriting we im se.

Aks 2:36

“So mi waahn aal a unu Izrel piipl fi nuo an andastan dis: Gad mek da siem Jiizas ya Laad an Krais.”

Jan 19:15

Bot dem shout out se, “Tek im we! Tek im we! Niel im pan di kraas mek im ded!” “Mi fi niel op unu king pan di kraas mek im ded?” Pailat aks dem. “Siiza a di onggl king wi av,” di ed priis dem se tu im.

Jan 18:40

Dem shout bak se, “A no dis ya man ya wi waahn. Gi wi Barabas. (Nou, Barabas did fait gens di Ruoman dem.)

Maak 12:26

Bot wen unu a taak bout ded piipl fi kom bak alaiv, unu neva riid wa Muoziz rait dong iina di paat bout di bush ou Gad se, ‘Mi a Iebriyam Gad, Aizak Gad, an Jiekob Gad’?