Aks 7:25 - Di Jamiekan Nyuu Testiment

²⁵ Muoziz tingk se fi'im uona piipl wuda andastan se Gad did a yuuz im fi tek dem outa dem sofarieshan, bot dem neva andastan.

Aks 7:25 ပူးပေါင်းရင်းမြစ်များ

Maak 9:32

Bot dem neva andastan wa im did miin, an dem did fried fi aks im.

Luuk 18:34

Jiizas falara dem neva get non a we im se. Di miinin did aid fram dem, so dem kudn andastan wa im a taak bout.

Luuk 9:45

Bot Jiizas falara dem neva get we im se an dem di fried fi aks im wa im riili a taak bout. Gad did aid wa it miin so dem kudn andastan it.

Aks 14:27

Wen dem riich a Antiyak, Paal an Baanabas gyada op di choch piipl an tel dem evriting we Gad did gi dem powa fi du, an ou Gad gi di piipl we a no Juu di chaans fi biliiv iina im.

Aks 15:4

Wen dem riich a Jeruusilem, di choch, di apasl dem, an di elda dem tek dem iin. Den Paal an Baanabas tel dem evriting we Gad mek dem du mongks di piipl we a no Juu.

Aks 15:7

Afta dem did a aagyu fi wan gud wail, Piita get op an taak tu dem. Im se, “Mi breda, unu nuo ou lang taim a-go Gad pik mi fram mongks unu an yuuz mi fi tel di piipl we a no Juu di Gud Nyuuz so dem wuda biliiv iina Jiizas.

Aks 21:19

Afta Paal go iin an tel dem oudi, im staat tel dem evriting wa Gad did a du siek-a fi im wok mongks di piipl we a no Juu.

Aks 7:24

An wen im si wan a dem a get biit op fi no riizn im ron go elp im an kil di Iijip man we did a biit im op.

Aks 7:26

Di neks die Muoziz si tuu Izrel man a fait. Im chrai fi paat dem an se tu dem se, ‘Luk man, di tuu a unu a breda, so wa unu a fait fa?’

Ruoman 15:18

Mi wudn mad fi taak bout notn bot di wok we Krais Jiizas yuuz mi fi du — di wok we kaaz di piipl we a no Juu fi staat du aal a wa Gad se dem fi du. Dem staat fala Gad siek-a di sitn dem we mi se an du,

1 Korintiyan 15:10

Bot a chuu Gad gud an kain tu mi mek mi kyan du wa mi a du nou, an aal we im du fi mi, a no fi notn. Mi wok aada dan aal a di ada apasl dem. Bot mi neva du it pan mi uon, Gad elp mi fi du it, kaaz im gud an kain tu mi.

1 Korintiyan 3:9

Mi an Apalos, wi a jos Gad sorvant an di tuu a wi a wok tugeda fi Gad. Bot unu, unu a Gad fiil we wi a plaant op, unu a Gad bildin.

2 Korintiyan 6:1

So sins wi wok wid Gad, wi a beg unu, im so gud an kain tu unu, no mek it kom tu notn, no bada wies it.

Koloshan 1:29

A dis mi a wok fa. Mi a wok aad aad. Mi onggl kyan du dis kaaz Krais Jiizas gi mi powa fi du it.