Aks 6:4 - Di Jamiekan Nyuu Testiment

⁴ an fi wi wok wi bi fi prie an pred Gad mesij bout Jiizas.”

Aks 6:4 ပူးပေါင်းရင်းမြစ်များ

Luuk 1:23

Wen Zakaraiya don du im priis wok iina Gad ous, im go baka im yaad.

Aks 1:14

Di uol a dem did eva a miit tugeda fi prie: dem, di uman dem, Mieri, Jiizas mada, an Jiizas breda dem.

Aks 2:42

Di piipl dem we biliiv Piita mesij spen di uol a dem taim a lorn fram di apasl dem, shier wa dem av wid wan aneda, iit tugeda an prie tu Gad tugeda.

Ruoman 1:9

Mi sorv Gad wid aal a mi aat. A sorv mi a sorv im wen mi priich di Gud Nyuuz bout im Bwai Pikni, an im nuo se wa mi bout fi se a chuu: Mi aalwiez a tingk bout unu.

1 Korintiyan 9:16

Mi kyaahn buos bout di fak se mi a priich di Gud Nyuuz kaaz a Gad aada mi fi du dat. An ef mi no priich di Gud Nyuuz, Gad wuda ponish mi.

Filipiyan 1:4

Evritaim mi prie fi unu, sitn bobl op iina mi aat an mek mi wel api.

Koloshan 2:1

Mi waahn unu nuo ou aad mi a wok fi unu, an fi di piipl dem we de iina Leyodiisiya an fi aal a uu neva miit mi yet an no nuo wa mi luk laik.

Koloshan 4:12

Epafras, we kom fram mongks unu, an we a wan a Krais Jiizas sorvant dem, im se oudi tu. Im eva a prie fi unu wid aal a im aat. Im prie se unu wi tan op chrang iina Gad an no tap chos iina im. Im prie se unu wi biliiv iina Gad so til nobadi kyaahn mek unu tap chos iina im. An im prie aad se unu wi nuo fi shuor wa Gad waahn unu fi du an fi biliiv.

Koloshan 4:17

Tel Aakipos dis fi mi, “Mek shuor se yu don di wok we di Laad gi yu fi du, kaaz a im ya'a wok fa.”

2 Timoti 4:2

priich Gad wod an mek shuor se yu aalwiez redi fi priich. Ef di taim rait ar it no rait, priich it siem wie. Yu afi shuo di piipl dem di rang we dem a du an put dem iina dem plies kaaz dem a sin. Yu mos tek taim wid dem wen yu a tiich dem an push dem fi du wa rait.