Aks 6:3 - Di Jamiekan Nyuu Testiment

³ So breda an sista unu pik sevn man fram mongks unu. Evribadi mos si se dem mek di Uoli Spirit kanchuol dem laif an dem wel waiz. Wi wi put dem inchaaj a da wok ya,

Aks 6:3 ပူးပေါင်းရင်းမြစ်များ

Matyu 23:8

“Bot nobadi no fi kaal unu, ‘tiicha,’ kaa a onggl wan Tiicha de bout, plos di uol a unu a breda an sista; nobadi no aiya dan nobadi.

Jan 21:23

So siek-a Jiizas se so, it did a go roun mongks di breda an sista dem se da falara ya neehn a-go ded. Bot a no dat Jiizas did se, im se, “Ef mi waahn im fi liv til mi kom bak, wa mek dat a bada yu?”

Aks 1:15

Iina dem die de, wen di biliiva dem gyada op fi wan a dem miitn, (bout onjrid an twenti a dem did de de), Piita tan op

Aks 1:21

So wan a di man dem we did de de wid wi aal di taim wen di Laad Jiizas did a muuv mongks wi,

Aks 10:22

Di man dem ansa im se, “A Kaaniiliyos, wan ed man fi onjrid suoja sen wi. Aal a di Juu dem tingk im a gud sumadi an dem shuo im nof rispek. Wan a Gad ienjel tel im fi sen fi yu so im kyan ier wa yu av fi se.”

Aks 15:23

Dis a di leta we dem gi dem fi gi di choch: Wi, di apasl an elda dem, we a unu breda, a rait an a sen oudi tu aal a unu we de a Antiyak, Siriya, an Silisiya we biliiv iina Jiizas.

Aks 16:2

Di choch piipl iina Lischra an Aikoniyom taak gud bout im.

Aks 2:4

Di Uoli Spirit tek kanchuol a aal a dem an gi dem powa fi taak iina som difrant difrant langwij.

Aks 22:12

“Wan man niem Ananaiyas, we riili worship Gad an liv di wie ou di Laa se wi fi liv an we aal di Juu we liv de taak gud bout

Aks 28:14

Wi fain som piipl we biliiv iina Jiizas de an dem beg wi fi tan wid dem fi sevn die. Afta dat wi lef an go a Ruom.

Aks 6:2

So di twelv apasl dem kaal wan miitn wid aal a di piipl we biliiv iina Jiizas fi saat out di mata. Dem se tu dem se, “It wudn rait fi wi tap pred Gad mesij bout Jiizas fi go shier op moni an fuud fi di uman dem we ozban ded.

Aks 6:5

Aal a di piipl dem we did biliiv iina Jiizas did api fi du wa di apasl dem did se dem fi du. So dem pik Stiivn, wan man we biliiv iina Gad nof nof an we di Uoli Spirit kanchuol. An dem pik Filip, Prakoros, Nekenor, Timon, Paaminas, an Nikolas we did ton wan Juu an we did kom fram Antiyak.

Aks 6:6

Dem put dem man ya fi tan op infronta di apasl dem an dem put dem an pan dem ed an prie fi dem.

Aks 9:30

Wen di piipl we biliiv iina Jiizas fain out se di Juu dem did a chrai fi kil Saal, dem tek im dong a Sesuriiya an sen im we go a Taasos.

1 Korintiyan 12:8

Gad Spirit mek som piipl kyan taak tingz we waiz, an ada piipl, Gad Spirit mek dem se tingz we ful op a wa Gad waahn piipl fi nuo.

1 Korintiyan 16:3

An wen mi riich de, mi wi sen uu eva unu pik fi kyari di moni we unu kalek, go a Jeruusilem. Mi wi sen dem wid leta so di piipl dem iina Jeruusilem wi nuo a uu dem bi.

Ifiijan 5:18

No bada jringk chrang jringk an get jongk an galang bad an gwaan wid aal kain-a naasinis. Wa unu fi du a mek di Uoli Spirit tek kanchuol a unu laif.

1 Timoti 5:10

Ef shi a-go go pan di lis, piipl mos nuo ar fi di gud sitn dem we shi du. Dem mos nuo ar kaaz shi bring op ar pikni dem gud, aalwiez uopm op ar yaad tu piipl an shi wash di fut a di biliiva dem. Dem mos nuo ar kaaz shi elp enibadi we niid elp an kaaz shi du aal kain-a gud sitn.

Jiemz 1:17

Evri gud sitn — di sitn dem we no av notn bad bout dem — kom fram Faada Gad we mek aal a di lait dem we iina di skai. Bot im no tan laik di lait dem we im mek. Dem eva a chienj, bot im no chienj op chienj op.

3 Jan 1:12

Evribadi av gud sitn fi se bout Dimiichriyos, dem kyan si se im riili a liv ou di Laad se im piipl fi liv. Wi taak gud bout im tu, an yu nuo se wi no tel lai.