Aks 6:14 - Di Jamiekan Nyuu Testiment

¹⁴ Wi ier im se di wan Jiizas we kom fram Nazaret a-go mash dong da plies ya an mek wi liv difrant fram ou Muoziz tel wi faada faada dem fi liv.”

Aks 6:14 ပူးပေါင်းရင်းမြစ်များ

Matyu 26:61

Ier dem no, “Da man ya se, ‘Mi kyan mash op Gad ous an bil it bak iina chrii die.’ ”

Maak 14:58

“Wi ier im se, ‘Mi wi tier dong Gad ous we man mek an bil bak wan iina chrii die we man no mek.’ ”

Luuk 21:24

Dem enimi a-go yuuz suod kil aaf som a dem, an tek som a dem ton prizna a farin. Di piipl dem we a no Juu a-go ruul uova Jeruusilem an mek dem sofa til fi dem taim don.

Luuk 21:6

“Di taim a-go kom wen no iivn wan stuon a-go lef pan tap a wan aneda. Aal a dem a-go get lik dong.”

Jan 2:19

So Jiizas se tu dem se, “Tier dong an mash op da ous ya, an mi wi bil it op bak iina chrii die.”

Jan 4:21

So, Jiizas se tu ar se, “Liedi, chos mi pan da wan ya: di taim a-go kom wen piipl naa go worship di Faada pan da mountn ya ar iina Jeruusilem.

Aks 15:1

Den som man kom fram Judiya kom a Antiyak. Dem staat fi tiich di piipl we biliiv iina Jiizas se, “Ef unu no get sorkomsaiz azkaadn tu we Muoziz Laa se, unu kyaahn get siev.”

Aks 21:21

Wel, dem ier se yu a tiich aal a di Juu dem we liv mongks di piipl we a no Juu se dem fi ton we fram we Muoziz tiich, no sorkomsaiz dem pikni, ar liv laik ou Juu fi liv.

Aks 25:8

So Paal taak op fi imself an se, “Mi no du notn rang gens di Juu dem, mi no brok non a dem Laa, ar du notn we wuda mek Gad ous no kliin no muor, ar se notn bad gens Siiza.”

Aks 26:3

kaaz mi nuo se yu wel nuo bout ou di Juu dem liv an bout aal di sitn dem we dem aagyu bout. So mi a beg yu du, tek taim an lisn mi.

Aks 28:17

Chrii die afta dat, Paal sen kaal di Juu liida dem iina di ieriya fi miit wid im. Wen dem kom im se tu dem se, “Mi breda, mi neva du notn rang gens wi piipl. Mi neva se notn rang bout di wie wi faada faada dem did liv niida. Bot wi liida dem iina Jeruusilem tek mi ton prizna gi di Ruoman liida dem.

Gyalieshan 3:19

Nou som piipl a-go se, “So wa wi get di Laa fa?” Gad mek wan pramis tu wi bot im gi wi di Laa kaaz wi did a sin an im waahn wi fi liv rait. Gad did waahn piipl fi fala da Laa de til wen Iebriyam pikni, we Gad se im wuda bles, kom. Nou wen Gad did a gi wi di Laa — im sen som ienjel fi tel Muoziz an den Muoziz kom tel wi. So Muoziz a did wi lingk tu Gad.

Gyalieshan 3:23

Bifuo di taim kom wen wi kuda chos iina Jiizas an get siev, di Laa did av wi laik prizna. An it did av wi laik prizna til a did taim fi Gad shuo se wi kuda mek tingz rait wid im ef wi biliiv iina Jiizas.