Aks 6:12 - Di Jamiekan Nyuu Testiment

¹² So dem rail op di piipl, di elda dem an di Laa tiicha dem. Dem ron dong pan Stiivn, grab im an jrag im go a di plies we di liida dem miit an mek im tan op infronta dem.

Aks 6:12 ပူးပေါင်းရင်းမြစ်များ

Matyu 26:57

Nou di piipl dem we ares Jiizas, tek im kyari im go a Kaiyafas. Im did a di liida fi di priis dem, an a fi im ous di Laa tiicha an elda dem did gyada op.

Matyu 5:22

Bot ier wa mi a se, jos beks wid unu breda ar unu sista, an unu afi go a kuot, an di joj a-go se unu gilti an rait unu aaf! An enibadi we shiem dem breda ar sista an tel dem ou dem woklis an dem sitn de, unu a-go afi go a di tap-a-tap joj dem, an enibadi we kaal dem breda ar sista wan woklis gud fi notn fuul — el faiya a-go riich dem.

Luuk 20:1

Wan die, Jiizas did a tiich di piipl dem an a priich di Gud Nyuuz iina di yaad we Gad ous de. Di ed priis dem, di Laa tiicha dem an di elda dem kom tu im.

Aks 13:50

Bot di Juu dem rail op di uman dem we rich an we worship Gad, an di big impuotant man dem iina di toun. Dem du som torbl sitn gens Paal an Baanabas an mek dem sofa an ron dem outa dem toun.

Aks 14:2

Bot som a di Juu dem we mek op dem main se dem naa biliiv di gud nyuuz bout Jiizas, rail op di piipl dem we a no Juu, an paizn dem main gens di breda dem.

Aks 17:13

Bot wen di Juu dem fram Tesalonaika ier se Paal did a priich Gad wod iina Beriya, dem kom de-so tu fi kom rail op di kroud.

Aks 18:12

Nou afta Gyaliyo did ton govana fi Akaiya di Juu dem gyada op an grab Paal an jrag im infronta di joj,

Aks 21:27

Wen di sevn die dem aalmuos don, di Juu we kom fram Iezha we did si Paal iina di yaad we Gad ous de rail op di kroud an grab aan pan Paal,

Aks 5:18

So dem ares di apasl dem an put dem iina di prizn we aal kain-a bad piipl de.

Aks 5:27

Afta di ed gyaad fi Gad ous kyari iin di apasl dem, dem aada dem fi tan op infronta di liida dem, an di liida fi di priis dem kwestiyan dem.

Aks 6:11

So anda di kwaiyat dem get som man fi tel lai pan Stiivn se, “Wi ier da man ya se som torbl sitn bout Muoziz an bout Gad.”