Aks 6:1 - Di Jamiekan Nyuu Testiment

¹ Iina dem die de, di gruup a piipl we biliiv iina Jiizas did a gruo muo an muo. Di uman dem we a Juu an we taak di Griik langwij uufa ozban dem did ded, staat mombl anda di kwaiyat gens di uman dem we a Juu we onggl taak di Juu langwij an uufa ozban dem did ded tu. Dem did a mombl se dem neva did a get fi dem shier a di moni an fuud we dem did fi get a die taim.

Aks 6:1 ပူးပေါင်းရင်းမြစ်များ

Matyu 23:13

“Bot yu si aal dem Laa tiicha ya an di Farisii piipl dem, chobl fu'unu! Uol ipokrit! Unu shot Gad kindom iina piipl fies! Unu no go iin de, an unu naa lou piipl we a chrai fi go iin de, fi go iin.

Aks 11:20

Bot yu did av som man we kom fram Saipros an Sairiin we did mongks dem piipl de we kom a Antiyak. Dem man de staat tu priich di gud nyuuz bout di Laad Jiizas tu di piipl we a no Juu tu.

Aks 11:26

an wen im fain im, im kyari im baka Antiyak wid im. So fi wan uol ier Baanabas an Saal miit op wid di choch piipl an tiich kroud an kroud a piipl. An dong a Antiyak a di fos plies we di biliiva dem get di niem Kristiyan.

Aks 11:29

So di piipl dem we biliiv iina Jiizas mek op dem main fi elp Gad piipl we de iina Judiya. Evribadi gi wa dem kuda gi an dem gi bies pan wa dem av.

Aks 2:41

Di wan dem we biliiv Piita mesij get baptaiz, an da die de, di Laad mek bout chrii touzn muor piipl jain di choch.

Aks 2:45

Dem sel som a di sitn dem we dem did av an gi tu wan aneda fram taim tu taim azkaadn tu wa dem niid.

Aks 2:47

Dem kip aan a priez Gad an aal di piipl iina Jeruusilem did api wid dem an taak gud bout dem. Evridie di Laad Jiizas siev muor an muor piipl an mek dem jain di choch.

Aks 4:35

kom gi di apasl dem. Di apasl dem wuda shier it op gi evribadi bies pan wa dem niid.

Aks 4:4

Bot nof a di piipl dem we did ier di apasl dem mesij biliiv it. Di gruup a man dem we biliiv iina Jiizas nou a did bout faiv touzn.

Aks 5:14

Bot muor an muor piipl biliiv iina di Laad an jain dem gruup, uol iip a man an uman.

Aks 5:28

Im se tu dem se, “Wi neva aada unu chrang chrang se unu no fi tiich nobadi bout di sitn dem we da man de niem Jiizas se unu fi tiich? Bot luk wa unu du. Unu ful op Jeruusilem wid di sitn dem we im tiich. An no onggl dat, unu chrai put fi'im blod pan wi an dem an se a wi kil im.”

Aks 6:2

So di twelv apasl dem kaal wan miitn wid aal a di piipl we biliiv iina Jiizas fi saat out di mata. Dem se tu dem se, “It wudn rait fi wi tap pred Gad mesij bout Jiizas fi go shier op moni an fuud fi di uman dem we ozban ded.

Aks 6:7

Gad mesij bout Jiizas pred muo an muo, an muo an muo piipl biliiv iina Jiizas an wan uol iip a di priis dem biliiv di Gud Nyuuz tu.

Aks 9:29

Im taak bout Jiizas an riizn wid di Juu dem we taak Griik. Bot dem chrai fi kil im.

Aks 9:39

So Piita get op siem taim an go wid dem. Wen im kech de, dem kyari im opstiez tu di ruum. Aal a di uman dem uufa ozban did ded tan op saida im a baal an a shuo im aal a di kluoz dem we Daakas yuus tu mek wen shi did alaiv.

Aks 9:41

Im uol ar an an elp ar tan op. Den im kaal aal a Gad piipl, an di uman dem uufa ozban dem did ded tu an shuo dem se Daakas kom bak alaiv.

Ruoman 12:7

Ef Gad gi dem di powa fi sorv, den dem fi sorv. Ef im gi dem di powa fi tiich den dem fi tiich.

1 Korintiyan 10:10

Wi no fi komplien an grombl grombl laik som a dem. Kaaz di wan dem we yuus tu grombl grombl, di ienjel we kom fi kil, kil dem aaf.

2 Korintiyan 11:22

Dem a Iibruu? Mi a Iibruu tu. Dem a Izrelait? Mi a Izrelait tu. Dem a Iebriyam fambili? Mi a Iebriyam fambili tu.

Filipiyan 3:5

Mi did get sorkomsaiz iet die afta mi baan. Fi mi mada an faada a baan Izrelait. Mi kom fram Benjamin chraib a piipl dem. Mi a Iibruu iina evri wie. Wen it kom tu di Laa, mi a wan Farisii we du evriting we di Laa se fi du.

1 Timoti 5:3

Rispek an tek kier a di uman dem we ozban ded an we riili niid elp.

1 Timoti 5:9

No uman we ozban ded no fi de pan di lis bifuo shi ton siksti. Shi mos onggl did av wan ozban tu.

Iibruu 13:1

Unu mos gwaan lov di breda an sista dem we biliiv iina Gad jos laik unu.

Jiemz 1:27

Di kain-a wok we gud an kliin iina Faada Gad yai a dis: elp di pikni dem uufa faada an mada dem ded an we a sofa, an di uman dem we ozban ded an we a sofa tu, an kip we fram di wikid sitn dem we iina di worl.

Jiemz 4:5

Wen Gad wod se, “Di spirit we Gad put iina wi jelos bad an wel waahn wi fi kip tu Gad wan” — unu tingk se it se dat fi notn?

Jiemz 5:9

Mi breda an sista, no bada grombl grombl bout wan aneda, ar Gad wi joj unu. An luk, di joj tan op rait a di duor.