Aks 5:9 - Di Jamiekan Nyuu Testiment

⁹ Piita se tu ar se, “Mek di tuu a unu mek op unu main fi si ef unu kuda lai tu di Laad Spirit an no get ponish? Luk! Di man dem we beri yu ozban tan op a di duor, an dem a kom fi yu fi go beri yu tu.”

Aks 5:9 ပူးပေါင်းရင်းမြစ်များ

Matyu 4:7

Jiizas ansa im se, “Bot it rait dong tu, se ‘No tes di Laad we a yu Gad.’”

Luuk 16:2

Di rich man kaal im an aks im se, ‘Wa dis mi ier bout yu? Rait dong wa yu get an wa yu spen, kaaz yu kyaahn bi mi manija agen.’

Aks 15:10

So tel mi nou, wa mek unu waahn flai iina Gad fies fi go presha im piipl fi du wa Gad neva aada dem fi du, sitn we no iivn wi ar fi wi faada faada dem kuda du?

Aks 5:6

So di yong man dem komiin kom rap op im badi an kyari im out go beri im.

Ruoman 10:15

An ef nobadi no sen dem, ou dem fi go priich tu nobadi? Jos laik it se iina Gad wod, “A wan gud gud sopm wen Gad mesinja dem kom priich di Gud Nyuuz.”

Ruoman 3:19

Nou wi nuo se evriting we rait dong iina di Laa a fi di piipl we a fala di Laa. Gad gi dem di Laa so dat nobadi kyan se notn wen im kom fi ponish dem — nobadi kyan se dem neva nuo rait fram rang. So Gad a-go ponish evribadi we de iina di worl, weda dem a Juu ar dem a no Juu.

1 Korintiyan 10:9

Wi no fi stie laik dem an tes Krais Jiizas. Som a dem did tes Gad an siniek bait dem an kil dem.