Aks 5:42 - Di Jamiekan Nyuu Testiment

⁴² An evridie di apasl dem go a di yaad we Gad ous de an iina piipl ous go tiich an priich di Gud Nyuuz se Jiizas a di wan we Gad sen fi siev piipl.

Aks 5:42 ပူးပေါင်းရင်းမြစ်များ

Luuk 21:37

Evridie Jiizas tiich iina di yaad we Gad ous de, an a nait taim im go op a Mount Aliv.

Luuk 22:53

Evridie mi de a Gad ous wid unu, an unu neva ares mi. Bot dis a fu'unu taim an di taim wen di wan we ruul uova daaknis a wok.”

Aks 11:20

Bot yu did av som man we kom fram Saipros an Sairiin we did mongks dem piipl de we kom a Antiyak. Dem man de staat tu priich di gud nyuuz bout di Laad Jiizas tu di piipl we a no Juu tu.

Aks 13:32

“Gad did mek wan pramis tu wi faada faada dem. An wi de ya fi tel unu di gud nyuuz bout di pramis.

Aks 17:18

Som tiicha we did bilang tu wan gruup we niem Epikyuuriyan an som we bilang tu wan neda gruup we niem Stowik did a aagyu wid Paal. An som ada wan aks, “A wa da likl bod-brien, mout-a-masi man ya a chat bout?” An som ada piipl ansa se, “It soun laik im a chat bout som kain-a gad we wi no nuo bout.” Dem se dat kaaz Paal did a priich di Gud Nyuuz bout Jiizas an ou Gad mek ded piipl kom bak alaiv.

Aks 17:3

Im shuo dem an elp dem fi andastan wa it miin wen Gad wod se Krais Jiizas did afi sofa an kom bak alaiv. Im se, “Da siem Jiizas ya we mi a tel unu bout, a im a di wan we Gad sen kom fi siev piipl.”

Aks 2:46

Evridie dem miit op iina di yaad we Gad ous de. Dem go a wan aneda ous an iit fuud tugeda an dem aat did wel api. Dem did api fi shier wid wan aneda.

Aks 20:20

An unu nuo se wen mi did a priich tu unu, mi neva kip bak notn fram unu we kuda elp unu. An mi neva fried fi tiich unu infronta evribadi an fi go fram ous tu ous a tiich.

Aks 4:20

Kaaz wi kyaahn tap taak bout di sitn dem we wi did si an ier.”

Aks 4:29

So Laad, luk pan ou dem a chretn wi! Elp yu sorvant dem fi pred yu mesij an no fried a notn.

Aks 8:35

So Filip staat a di siem paat we im did a riid an priich tu im di Gud Nyuuz bout Jiizas.

Aks 8:5

Filip go dong a wan siti iina Samieriya an priich tu dem bout Krais Jiizas.

Aks 9:20

Saal neva wies no taim. Im staat priich siem taim iina di Juu dem choch se Jiizas a Gad Bwai Pikni.

1 Korintiyan 2:2

Kaaz mi did mek op mi main se wail mi did de de wid unu, mi wuda onggl priich bout Jiizas Krais an ou dem kil im pan di kraas.

Gyalieshan 1:16

im mek mi nuo im Bwai Pikni, Jiizas, so dat mi kuda tiich di piipl dem we a no Juu bout im. Mi neva go taak tu nobadi wen dem sitn de apm tu mi,

Gyalieshan 6:14

Mi uop se mi wi onggl buos bout ou Jiizas ded pan di kraas fi mi an ou siek-a im, mi no liv laik ou di res a piipl iina di worl liv — mi ded tu di worl an di worl ded tu mi. Mi uop se mi neva eva buos bout notn els bot dat.

2 Timoti 4:2

priich Gad wod an mek shuor se yu aalwiez redi fi priich. Ef di taim rait ar it no rait, priich it siem wie. Yu afi shuo di piipl dem di rang we dem a du an put dem iina dem plies kaaz dem a sin. Yu mos tek taim wid dem wen yu a tiich dem an push dem fi du wa rait.