Aks 5:40 - Di Jamiekan Nyuu Testiment

⁴⁰ an dem kaal iin di apasl dem an mek di suoja dem biit dem. Den dem aada dem se, “No taak tu di piipl an yuuz Jiizas niem eva agen!” Afta dat dem let dem go.

Aks 5:40 ပူးပေါင်းရင်းမြစ်များ

Matyu 10:17

“An wach out, kaa piipl a-go tek unu, an gi unu uova tu di liida dem fi di Juu dem choch, an dem a-go tek wip an biit unu a dem miitn ous.

Matyu 20:19

Dem a-go gi'im tu di piipl dem we a no Juu fi dem laaf aafa im an tek im mek preke, biit im wikid wikid an afta dat dem a-go kil im pan di kraas. Bot chrii die afta dem kil im, im a-go kom bak alaiv.”

Matyu 23:34

A dat mek mi a-go sen prafit tu unu, mi a-go sen som man we waiz kom, an som piipl we tiich Gad wie, som a dem unu a-go kil an niel pan di kraas, an som, unu a-go biit dem iina di Juu dem choch an ron dem dong fram toun tu toun laik wail animal.

Maak 13:9

“Wach out. Chobl a-go riich unu. Dem a-go tek unu an ton unu uova tu di liida dem fi di Juu dem choch, an dem a-go biit unu iina dem choch. An kaaz unu fala mi, unu wi get fi tan op infronta ruula an king an tel dem bout mi.

Luuk 20:10

Wen a did taim fi riip di fuud, im sen wan sorvant go a di tenant dem fi get fi'im shier. Dem biit im op an sen im we wid notn.

Aks 5:28

Im se tu dem se, “Wi neva aada unu chrang chrang se unu no fi tiich nobadi bout di sitn dem we da man de niem Jiizas se unu fi tiich? Bot luk wa unu du. Unu ful op Jeruusilem wid di sitn dem we im tiich. An no onggl dat, unu chrai put fi'im blod pan wi an dem an se a wi kil im.”

2 Korintiyan 11:24

A faiv taim di Juu dem yuuz wan wip an lik mi toti-nain taim — dat a wan shaat a faati.