Aks 5:39 - Di Jamiekan Nyuu Testiment

³⁹ Bot ef a Gad a gi dem powa fi du wa dem a du, unu kyaahn tap dem; unu wuda fain se unu onggl a fait gens Gad.” Im get dem fi lisn an du wa im se

Aks 5:39 ပူးပေါင်းရင်းမြစ်များ

Matyu 16:18

An ier wa mi a se no, yu a Piita, wan rak. An a pan dis ya rak mi a-go bil fi mi choch, an no powa dong a el naa go kyan mash dat op.

Luuk 21:15

Mi wi gi unu di wod dem so unu wi nuo ou fi ansa, so non a unu enimi dem kyaahn tan op gens unu ar se unu rang.

Aks 11:17

So ef Gad gi di Uoli Spirit tu di piipl we a no Juu siem laik ou im did gi wi di Uoli Spirit kaaz wi biliiv iina Jiizas, a uu mi fi go fait gens Gad?”

Aks 23:9

Di Sadyusii dem an di Farisii dem shout aafa wan aneda louda an louda til som a di Laa tiicha fram di Farisii gruup get op an taak chrang chrang, an wan a dem se, “Wi no fain notn rang wid da man ya. Sopuoz a wan spirit ar wan ienjel did taak tu im fi chuu?”

Aks 6:10

bot dem fain se dem kudn manij im, kaaz di Spirit did mek im wel waiz an tel im aal wa im fi se.

Aks 7:51

“Unu piipl, unu stoban, an aad-iez an no waahn lisn tu Gad mesij. Unu aat komiin jos laik di piipl dem we no biliiv iina Gad. Unu eva a-go gens wa di Uoli Spirit waahn, siem laik we unu faada faada dem did du!

Aks 9:5

Saal aks, “A uu yu, Sa?” Jiizas ansa, “Mi a Jiizas, di wan we yu a mek sofa.

1 Korintiyan 1:25

Kaaz di sitn dem we Gad du we di piipl dem we no biliiv tek fi fuulinish, mek muor sens dan eniting we enibadi kuda tingk bout. An we dem luk pan an se a wiik Gad wiik, it chrangga dan di chrangis ting enibadi kuda du.

1 Korintiyan 10:22

A mad unu a chrai fi mek Gad mad? Unu tingk se unu chrangga dan im?