Aks 5:32 - Di Jamiekan Nyuu Testiment

³² Wi a tel piipl bout dem sitn ya we wi nuo, an di Uoli Spirit we Gad gi tu aal uu du we im se, im a tel piipl bout dem sitn ya tu.”

Aks 5:32 ပူးပေါင်းရင်းမြစ်များ

Jan 7:39

(Nou, wen im se dat de, im did a taak bout di Spirit we di piipl dem we chos iina im wuda get lietaraan. Kaa op tu da taim de, nobadi neva get di Spirit, kaa Jiizas neehn get big op yet.)

Aks 1:8

Bot di Uoli Spirit a-go kom pan unu an ful unu op wid powa an unu wi tel piipl iina Jeruusilem, Judiya, Samieriya an aal uova di worl bout mi.”

Aks 10:44

Piita did stil a priich wen aal av a sodn di Uoli Spirit kom dong an tek kanchuol a aal a di piipl we did a lisn tu di mesij.

Aks 13:31

an difrant difrant taim fi kopl die wel Jiizas shuo imself tu di piipl dem we did kom wid im fram Gyalalii tu Jeruusilem. A dem siem piipl de a tel piipl bout im nou.

Aks 15:28

Di Uoli Spirit tingk se it bes fi wi no put no muo presha pan unu dan wa wi bout fi tel unu nou, an wi tingk so tu.

Aks 2:32

Gad did mek da siem Jiizas de kom bak alaiv, an di uol a wi did si wid wi uona yai.

Aks 2:4

Di Uoli Spirit tek kanchuol a aal a dem an gi dem powa fi taak iina som difrant difrant langwij.

Aks 5:29

Bot Piita an di ada apasl dem se tu dem se, “Wi afi du we Gad se wi fi du, bot wi no afi du wa piipl se wi fi du.

Ruoman 8:16

Gad Spirit an fi wi Spirit jain op tugeda an se dat wi a Gad pikni.

2 Korintiyan 13:1

Da taim ya wen mi kom, dat a-go mek chrii taim mi kom luk fi unu. An siem laik ou it rait dong iina Gad wod se, “Ef sumadi du sopm rang, wi kyaahn jos ponish dem, tuu ar chrii sumadi we si wa apm, afi kom taak we dem si an pruuv se da sumadi de did du rang. Afta dat wi kyan ponish dem.”

1 Piita 1:12

Gad mek dem si se wa dem did a taak bout a neva did fi dem, bot dem did fi apm fi unu. Di sed sitn we di prafit dem did se, a di siem Gud Nyuuz di priicha dem kom gi unu. A di Uoli Spirit, we did sen dong fram evn, did gi dem di powa fi kom kom tel unu — aal ienjel did waahn andastan dem sitn ya!