Aks 5:30 - Di Jamiekan Nyuu Testiment

³⁰ Unu niel op Jiizas pan di kraas an kil im, bot di Gad fi fi wi faada faada dem, im mek im kom bak alaiv.

Aks 5:30 ပူးပေါင်းရင်းမြစ်များ

Luuk 1:55

jos laik ou im did pramis Iebriyam an im pikni dem, fi bi gud an kain tu dem fi eva.”

Luuk 1:72

Im se im wuda gud tu wi faada faada dem an im memba im uoli pramis;

Aks 10:39

“Wi did si evriting we im du iina Jeruusilem an di res a Juu konchri dem. Dem niel im pan di kraas an kil im.

Aks 13:33

Im kip im pramis we im did mek tu wi faada faada dem wen im mek Jiizas kom bak alaiv. Kaaz it rait dong iina Saam tuu se, “ ‘Yu a fi mi bwai pikni; tide tide mi ton yu faada.’

Aks 2:32

Gad did mek da siem Jiizas de kom bak alaiv, an di uol a wi did si wid wi uona yai.

Aks 22:14

“Den im se tu mi se, ‘Di Gad we wi faada faada dem worship pik yu fi nuo wa im plan fi du, fi si im sorvant we aalwiez du wa im waahn im fi du an fi ier da wan de taak tu yu imself.

Aks 3:26

So wen Gad riez op Jiizas im sorvant, im sen im kom a unu fos fi bles unu. Im bles unu wen im kaaz unu fi ton we fram unu wikidnis.”

Gyalieshan 3:13

Nou wi no aalwiez fala aal a di Laa dem an siek-a dat Gad wuda ponish wi. Bot Krais Jiizas siev wi fram get ponish wen im kom an sofa fi wi. Im get ponish so wi wudn get ponish. It aal rait dong iina Gad wod se, “Enibadi we dem eng op pan wan kraas — Gad a ponish dem.”

1 Piita 2:24

Jiizas — im did fiil uol iip a pien iina im badi fi wi wen im did de pan di kraas siek-a fi wi sin. Im du dat so sin wi no av no muo powa uova wi, an wi kyan liv an du wa rait. An siek-a di sofarieshan we im go chuu: di biit op biit op an di kot op kot op we bata bruuz im, chuu dat yu did get iil.