Aks 5:24 - Di Jamiekan Nyuu Testiment

²⁴ Wen di ed gyaad fi Gad ous an di ed priis ier dem sitn de, dem shak, an staat wanda bout wa wuda kom out a aal a dis.

Aks 5:24 ပူးပေါင်းရင်းမြစ်များ

Aks 5:26

So di ed gyaad an di afisa dem go fi di apasl dem. Bot dem neva rof dem op ar notn, kaaz dem did fried se di piipl wuda stuon dem.

Aks 4:1

Piita an Jan did stil a taak tu di piipl wen di priis dem, di ed gyaad dem fi Gad ous, an di Sadyusii dem kom op tu dem.

Aks 4:21

Di liida dem chretn Piita an Jan agen, den dem let dem go. Dem kudn mek op dem main ou fi ponish Piita an Jan, kaaz aal a di piipl dem did a gi Gad priez fi wa did apm.

Aks 2:12

Kaaz dem did so shak an kaaz wa dem di ier did kanfyuuz dem, dem aks dem wan aneda, “A wa aal a dis miin?”

Jan 12:19

So di Farisii dem se tu dem wan aneda se, “Unu si se unu kyaahn du wan ting. Ku de, di uol worl a ron aafa im!”

Luuk 22:52

Jiizas se tu di ed priis dem, di man dem we inchaaj a di gyaad dem fi Gad ous an di elda dem we kom tu im, “A kom unu kom wid suod an big tik fi ares mi laik mi a oul tiif an mordara?

Luuk 22:4

So, Juudas go a di ed priis an di tap man dem we gyaad Gad ous fi taak bout ou im kuda sel out Jiizas an gi im uova tu dem.

Aks 5:23

“Wi fain di prizn lak op tait tait an di gyaad dem tan op a di duor, bot wen wi uopm di duor, wi no fain nobadi at aal.”

Aks 5:25

Den sumadi kom tel dem se, “Lisn! Di man dem we unu did put iina prizn, mi si dem tan op iina di yaad we Gad ous de a tiich di piipl!”