Aks 5:2 - Di Jamiekan Nyuu Testiment

² Im mek op im main fi kip bak som a di moni we im get fi di lan, an im waif did nuo bout it tu. Im kyari di res a di moni go gi di apasl dem.

Aks 5:2 ပူးပေါင်းရင်းမြစ်များ

Matyu 23:5

“Dem jos shuo aaf! Dem du aal we dem du fi mek piipl si dem. Unu si ou dem mek fi dem leda baks wid difrant difrant vors outa Gad wod wel big, ye, di siem wan we dem tai aan pan dem ed an dem an. An luk pan dem tasl, luk ou lang it bi!

Jan 12:6

(Nou, im neehn a se so kaaz im did kieta bout puo piipl; a chuu im a did tiif. A im did a luk aafa di chred bag, an im yuus tu tiif out wa dem put iin de.)

Aks 2:44

Evribadi we biliiv iina Jiizas did stie tugeda — dem a did wan gruup, an dem elp dem wan aneda wid wa dem niid.

Aks 4:37

sel piis a lan we im did av an kyari di moni kom gi di apasl dem fi shier op.

Aks 5:1

Nou yu did av wan man an im waif niem Ananaiyas an Sofaira. Dem did sel piis a lan we dem did av.

Aks 5:3

Den Piita aks im se, “Ananaiyas, ou kom yu mek Sietan tek kanchuol a yu an mek yu lai tu di Uoli Spirit? Yu kip bak som a di moni fi yuself, an kom a gwaan laik se yu a gi evriting?

Aks 5:8

So Piita aks ar se, “Tel mi sopm, dis a aal a di moni yu an yu ozban sel di lan fa?” Shi se, “Yes! A aal a di moni dat we wi get fi'it.”

Filipiyan 2:3

So no du notn jos so unu kyan get wa unu waahn. An no shuo aaf fi chrai mek piipl tingk unu impuotant ar beta dan nobadi. Wa unu fi du a ombl unuself an chriit wan aneda beta dan ou unu wuda chriit unuself.

1 Timoti 6:10

Kaaz di lov fi moni a di ruut fi aal kain-a wikidnis. Som piipl waahn moni so bad dat dem ton dem bak pan Gad an bring dong nof kraasiz pan demself.