Aks 5:19 - Di Jamiekan Nyuu Testiment

¹⁹ Bot iina di nait wan a di Laad ienjel dem uopm di prizn duor an let out di apasl dem. Di ienjel se,

Aks 5:19 ပူးပေါင်းရင်းမြစ်များ

Aks 16:26

Aal av a sodn wan powaful ortkwiek apm we shiek dong tu di prizn grong. Aal di prizn duor dem flai uopm, an di prizna dem chien bos aaf.

Aks 27:23

Mi nuo dat kaaz laas nait di Gad we mi bilang tu an we mi sorv sen wan ienjel tu mi an im se tu mi se,

Aks 8:26

Nou wan a di Laad ienjel go tu Filip an se tu im, “Git op an go tek di sout ruod, di ruod we go fram Jeruusilem tu Gaaza.” (Piipl no riili yuuz da ruod de agen).

Matyu 1:20

Jos wen Juozif did a tingk fi du dat, wach ya nou — wan a di Laad ienjel dem no jriim im. Di ienjel se, “Juozif, Dievid pikni, no fried fi tek Mieri an marid ar, kaa di pikni we iina ar beli, a di Uoli Spirit put im de.

Luuk 1:11

Wan a di Laad ienjel dem kom tu Zakaraiya an tan op pan di rait-an-said a di insens alta.

Matyu 1:24

Den wen Juozif wiek op, im du jos wa di ienjel tel im fi du. Im tek Mieri an go marid ar.

Matyu 2:13

Afta dem go we, wan a di Laad ienjel dem jriim Juozif an se, “Git op! Tek di pikni an im mada an ron we go a Iijip. Tan de til mi tel yu, kaa Erad a-go luk fi di pikni fi kil im.”

Matyu 2:19

Afta Erad ded, luk ya no: wan a di Laad ienjel dem no jriim Juozif wen im de a Iijip.

Matyu 28:2

An aal av a sodn wan wikid wikid ortkwiek shiek op di plies kaa wan a Gad ienjel dem kom dong fram evn an kom ruol we di stuon an sidong pan it.

Luuk 2:9

Wan a di Laad ienjel dem kom tu di shepad dem. Wan brait brait lait fram Gad kova dem an it mek dem fraitn so til.

Aks 10:3

Wan die roun chrii aklak, Kaaniiliyos get wan vijan. Iina im vijan im si wan a Gad ienjel kom tu im. Di ienjel se tu im se, “Kaaniiliyos!”

Aks 12:23

Siem taim wan a di Laad ienjel chraik dong Erad kaaz im tek di priez fi imself insted-a mek di piipl dem priez Gad. Di siknis we im get mek worm staat nyam im til im ded.