Aks 5:18 - Di Jamiekan Nyuu Testiment

¹⁸ So dem ares di apasl dem an put dem iina di prizn we aal kain-a bad piipl de.

Aks 5:18 ပူးပေါင်းရင်းမြစ်များ

Aks 4:3

Dem grab Piita an Jan, an kaaz nait did suun kom, dem put dem iina jiel til di neks die.

2 Korintiyan 11:23

Dem a Krais Jiizas sorvant? (Mi a taak laik wan riil madman nou.) Mi a muor Krais sorvant dan dem. Mi wok aada dan dem. Mi get lak op iina prizn nof muor taim dan dem. Mi get nof muor biitn dan dem an a nof taim mi aalmuos ded.

Luuk 21:12

“Bifuo aal dem sitn ya apm, dem a-go grab unu an diil wid unu bad. Dem wi tek unu an an unu uova tu di liida dem fi di Juu dem choch an sen unu go a prizn. Dem a-go kyari unu go infronta king an liida, kaaz unu fala mi.

Revilieshan 2:10

No fried a di sitn dem wa unu bout fi sofa. Mi a tel unu, di devl a-go fling som a unu iina prizn fi tes unu. An unu a-go sofa fi ten die. Bot unu fi tan op chrang an chos mi siem wie, iivn ef dem mek op dem main fi kil unu. Kaaz siem laik ou wan rona get wan medal wen im win wan ries, mi wi gu'unu laif fi fu'unu praiz.

Iibruu 11:36

So a dat apm tu som a dem kaaz dem chos iina Gad, bot yu av som ada wan — dem laaf aafa dem an tek wip biit dem. Som aal get tai op wid chien an lak op iina prizn tu.

Aks 8:3

Bot Saal staat wok aad aad fi mash op di choch. Im did a go fram ous tu ous an a jrag out man an uman an fling dem iina prizn.

Matyu 4:12

Nou wen Jiizas ier se dem lak op Jan, im lef go a Gyalalii.