Aks 5:17 - Di Jamiekan Nyuu Testiment

¹⁷ Den di liida fi di priis dem an di Sadyusii dem we did a fala im did wel beks kaaz evribadi did api wid di apasl dem.

Aks 5:17 ပူးပေါင်းရင်းမြစ်များ

Matyu 27:18

(Kaaz Pailat nuo se dem onggl bring iin Jiizas kaa dem bad main.)

Matyu 3:7

Bot wen im si uol iip a piipl fram di Farisii an Sadyusii gruup a kom fi im baptaiz dem, im se tu dem se, “Unu siniek pikni unu! A uu waan unu fi ron we fram di jojment we a kom?

Jan 12:10

So di ed priis dem mek plan fi kil Lazaros tu,

Jan 12:19

So di Farisii dem se tu dem wan aneda se, “Unu si se unu kyaahn du wan ting. Ku de, di uol worl a ron aafa im!”

Aks 13:45

Wen di Juu dem si di kroud, dem get red yai an staat bad main Paal, an staat chat bout se wa im a se bout Jiizas a lai, an chat bad sitn bout Paal tu.

Aks 15:5

Den som a di choch piipl dem we a paat a di Farisii gruup tan op an se, “Di piipl we a no Juu afi get sorkomsaiz an wi afi aada dem fi kip Muoziz Laa tu.”

Aks 17:5

Bot di Juu dem get beks se so moch piipl did jain op wid Paal an Sailas. So dem gyada op som woklis aigla fram di maakit, faam wan pasi, an staat fi kik op rompos, galang bad an ton di siti opsaid dong. Di Juu liida dem go stuon Jiesn yaad, a luk fi Paal an Sailas fi jrag dem infronta di ruula dem.

Aks 4:26

Di king dem pan ort get demself redi fi fait, an di ruula dem jain tugeda fi fait gens Gad an gens fi'im Krais.’

Aks 4:6

Anos di liida fi di priis dem, Kaiyafas, Jan, Aligzanda, an di ada man dem fram di liida fi di priis fambili did de de tu.

Aks 5:16

Kroud an kroud a piipl kom fram di toun dem roun Jeruusilem. Dem kyari dem sik piipl an piipl we diiman spirit did tek set pan kom a di apasl dem an aal a dem get beta.

Aks 7:9

“Kaaz wi faada faada dem did bad main gens Juozif, dem sel im tu som man we tek im go ton sliev dong a Iijip. Bot Gad did de wid im

Gyalieshan 5:21

Aal dem waahn, a wa ada piipl av. Dem de piipl de eva a jringk tu moch, an a go aal kain-a wail paati. A dem de kain-a sitn de dem lov du. Mi a waan unu jos laik ou mi did waan unu bifuo: di wan dem we mek dem badi kanchuol dem an we du aal a di sitn dem we mi jos taak bout — dem naa go kyan tek paat iina Gad kindom.

Jiemz 4:5

Wen Gad wod se, “Di spirit we Gad put iina wi jelos bad an wel waahn wi fi kip tu Gad wan” — unu tingk se it se dat fi notn?

1 Piita 2:1

So tap dabl iina aal kain-a sin an wikidnis. No beks wid piipl an no chat tu dem, no bada tel no lai an no bi no ipokrit niida. Unu no fi bad main piipl fi we dem av. An mek shuor se unu no tek unu mout an tier dong nobadi.