Aks 5:12 - Di Jamiekan Nyuu Testiment

¹² Di apasl dem mek nof sain an mirikl apm mongks di piipl dem. An di uol a dem mek op dem main fi miit op tugeda pan Salaman Puoch.

Aks 5:12 ပူးပေါင်းရင်းမြစ်များ

Maak 16:20

Im falara dem go aal bout go priich, an di Laad did a wok wid dem, an di sain dem we im mek dem du shuo evribadi se dem mesij a chuu sitn.]]

Jan 10:23

an Jiizas did a waak roun Gad ous ieriya pan Salaman Puoch.

Jan 4:48

Bot Jiizas se tu im se, “Ef unu piipl no si som sain an aal saat a powaful mirikl, unu wuda neva biliiv iina mi.”

Aks 1:14

Di uol a dem did eva a miit tugeda fi prie: dem, di uman dem, Mieri, Jiizas mada, an Jiizas breda dem.

Aks 14:3

So Paal an Baanabas tan de fi wan lang taim. An dem neva fried fi priich fi di Laad. Di mesij we dem did a priich bout ou di Laad lov piipl iivn duo dem no dizorv it, di Laad pruuv se a chuu dem did a taak wen im gi dem powa fi du aal kain-a mirikl an sain.

Aks 16:18

Die afta die shi kip aan a du di siem ting. Bot Paal get riili riili beks. So im ton roun an se tu di spirit we did iina di gyal se, “Iina Jiizas Krais niem. Kom outa ar!” An di spirit kom out siem taim.

Aks 19:11

Gad gi Paal powa fi du som powaful mirikl

Aks 2:46

Evridie dem miit op iina di yaad we Gad ous de. Dem go a wan aneda ous an iit fuud tugeda an dem aat did wel api. Dem did api fi shier wid wan aneda.

Aks 28:9

Afta dat uol iip a piipl pan di ailan we did sik kom tu Paal fi im mek dem beta.

Aks 3:11

Wen dem riich di plies we dem kaal Salaman Puoch, dat a wan waak wie we av wan ous tap uova it, di man did stil a uol aan pan Piita an Jan. Aal a di piipl dem did shak. Dem ron tugeda go we Piita an Jan an di man did de.

Aks 4:30

Yuuz yu powa an mek piipl beta. An mek wi yuuz di niem a yu sorvant Jiizas fi du som powaful mirikl an som sain.”

Aks 9:33

Im fain wan man dong de niem Ieniyas we did kripl fi iet ier an kudn get op outa im bed.

Aks 9:40

Piita sen aal a dem outa di ruum. Den im go dong pan im nii an prie tu Gad. Den im ton tu di ded uman an se, “Tabita, git op!” Shi uopm op ar yai dem, an wen shi si Piita, shi sidong op.

Ruoman 15:19

an siek-a di sain dem an di mirikl dem we Gad Spirit gi mi di powa fi du. So fram Jeruusilem go klier a Ilirikom, mi priich di Gud Nyuuz bout Krais Jiizas aal bout.

2 Korintiyan 12:12

Di sitn dem we shuo se sumadi a riili wan apasl, mi du dem mongks unu. Nof mirikl apm mongks unu an kaaz unu fi andastan nof sitn bout di Spirit. Gad du nof powaful sitn mongks unu tu, so powaful dat unu kudn iivn biliiv wa unu a si.

Iibruu 2:4

An Gad yuuz sain an shuo se dis a chuu sopm. Som sitn we im du, piipl kyaahn biliiv dem yai di wie dem sopraiz! Plos im yuuz aal kain-a mirikl. An im aal mek piipl get wa di Uoli Spirit kom gi. Dem get it jos laik ou im did waahn it fi go. An aal a dat shuo se wa di piipl dem did se riili riili chuu.